Lian Orluli — Segunda feira ne’e, Xefe do Suku Manutaci hamotuk ho Lia-Nain hala’o sorumotuk ho Prezidente Autoridade Munisípiu Ainaro, hodi entrega Rai Poe-kede ne’ebé lokaliza iha área Suku Manutaci no Soro nia le’et, ba Estadu hodi halo Dezenvolvimentu komún
Iha Sorumotuk ne’e Xhefe do Suku Manutaci,Manuela Caldas, hateten jeografiakamente rai Poe-kede lokaliza iha Suku Manutaci no Soro nia le’et tanba ne’e Lideransa Komunitáriu Suku Manutaci hamotuk ho Lia Nain Sira, entrega ba Estadu hodi halo Dezenvolvimentu komún ba Postu Administrativu hat iha Munisípiu Ainaro
‘’ Tuir istória Suku Manutaci laiha baliza ho Suku Soro no Suro-Craik tanba ne’e administrativamente ami entrega Rai Poe-kede ba Estadu, hodi halo Dezenvolvimentu Komún ba suku 21 iha posto Administrativu ha’at , iha Munisípiu Ainaro” dehan Lideransa Komunitáriu Suku Manutaci ne’e
Fatin hanesan Diretor Terras e Propriadades Filmeno Da Silva, hatutan Terras Konsidera Rai Poe-kede Dominu Publiku Estadu nian, tanba iha monarkia Portugál mai la tau baliza nune’e mós Estatutu Indonézia
‘’Iha momento ne’e Sr, moises sukat rai ne’e atu sai ba direito privadu, iha momento ne’e ema agraria husu haruka selu osan 800 ribuh, husu ohin aban katuas ne’e mate, rai la konsege terbitkan sertifikadu ba sr,moises. Hahu kedas tempu ne’eba to’o mai agora rai la iha ema ida nian, konsidera rai ne’e propriadade estadu nian. Teras konsidera rai ne’e Estadu, Dominio públiku Estadu,dominio privadu estado.iha uzo Monarquia Portugal mai la tau baliza , Estadu Indonézia mai mos la tau baliza , Ukun a’an agora mos la tau baliza entre suku Manutaçi, Soro, no Suro-craik’’. Haktuir Diretór Terras Propriedade Munisípiu Ainaro
Iha Ambitu ne’e Prezidente Autoridade Munisipio Ainaro Dehan, Sei Harii Merkadu Munisipál iha fatin Estratéjia nune’e bele atrai konsumedores hodi sosa tanba merkadu munisípiu Ainaro dook husi vila inklui estrada ladún di’ak
“Merkadu agoradadun ne’e dook no mos kondisaun estrada ladun diak,tanba ne’e negosiante sira tenki faan produto sira iha Monomento Dom Aleixo nia kotu. Ho nune maka tuir Plano Ministeriu Comercio Industria (sigla Portugés), hakarak hari’i Merkadu Munisipál iha Ainaro, maibé iha Fatin Estratejiku , atu ema halo Viagen liu ba mai bele sosa negosiante sira nia produto” Dehan Prezidente Autoridade Munisípiu Ainaro Manuela Georina Carmo Bucar Corte-Real
Hafoin sorumotu remata Autoridade Munisípiu Ainaro hamotuk Terras Propriedade inklui Xefe Suku no Lia-Nain asina akordu entrega ba Autoridade Munisípiu Ainaro hodi deklara rai propriu Estadu hodi halo Dezemvolvimetu
Iha Sorumotuk ne’e Marka Prejensa husi lia nain Suku Manutaci João da Costano no Lia Nain Kultura Armindo da Silva partisipa Prezidente Autoridade sesante Leovezildo Amaral, Administrador Postu Administrativu Ainaro Jerry Manuel Magno, Diretor Planeamento, Diretor Terras e Propriadades , Asesor PAM, Xefe do Suku Manutaçi, no mos Xefe Aldeia.
Jornalista: Sarah
Editor: Lian Orluli
