Lian Orluli – Kinta-feir ne’e, Liderança Komunitáriu Suku Soro ho estrura no lia-nain hala’o sorumotu ho autoridade munisípiu Ainaro, hodi koa’lia kona-ba desijaun Sefe Suku Manutaci ho estrutura entrega rai Poe-kede ba Estadu, tanba laiha koñesementu husi suku Soro, rai refere sei mosu hela desputa entre suku Soro no Manutaci, kazu ne’e sei prosesu iha Tribunal
Xefe do Suku Soro Lamenta ho desizaun ne’ebé ,mak suku Manutaci foti, tanba la iha Koñesementu ho suku Soro, tuir akordu ne’ebé mak iha tinan kotuk, suku rua sei tur hamotuk mak entrega rai ne’e ba Autoridade Munisípiu hodi halo dezenvolvimentu nune’e bele fo benefisiu ba povu Munisípiu Ainaro
“ Haú hamotuk ho estrutura no Lia-nain Suku Soro lamenta tebes ho aktus neébé mak xefe suku Manutaci foti, entrega rai ba autoridade munisipio Ainaro, iha mandato Administradór Leovezildo nia tempo ami suku rua iha ona akordu ida katak suku rua refere sei tur hamotuk ho hanoin ida deit hafoin entrega rai ne’e ba estadu halo dezenvolvimentu nune’e bele fo benefisiu ba Komunidade iha Posto administrative haát no suku 21 iha Munisipio Ainaro, maibe na realidade suku Manutaci la iha koñesementu ba ami suku Soro wainhira foti dezisaun entrega rai neé ba autoridade munisípiu, tanba rai neé prosesu hela iha Tribunal , no kazu ne’e Xefe do suku Manutaci mak ba registu iha tribunal’’. Dehan Xefe do suku soro hafoin de Realiza enkontru ho Autoridade Munisipio Ainaro, iha Salun VIP, Kinta neé (06/03/2025
Administrador Posto Administrativu Ainaro Jerry Manuel Magno hateten objectivu husi sorumotu hodi rona direita prekupasaun no lamentasaun husi suku Soro nuneé sei hatoó direita ba sua Exelencia Prezidente Autoridade Munisipio Ainaro hodi fóti Desizaun, tanba iha tempu badak Ministerio Comercio Industria mai halo ona Levantamentu konaba rai hodi harii Merkadu Munisipál
“Objective primeiro bolu suku Soro mai hodi hatoo sira nia prekupasaun ,sugestaun , no ita mos foti ona desizaun dehan katak tempu badak ita hein PAM toó mai hodi relata ba Prezidente foti desizaun, relasaun ho prestasaun ne’ebé mak Soro mai hatoo. Antes neé iha ona akordu primeiro ida, iha tinan hira ba kotuk,iha administrador sesante nia tempu, iha akordu neé koalia konaba entre xefe do Suku sesante Soro, ho xefe do suku actual manutaci konkorda malu katak suku ida neé mak tenki entrega ba estado, tanba ne’e suku ida la partisipa fali iha prosesu entrega rai ne’e maka mosu deskuti malu oituan ho akordu neébe mak iha, ho ida né mak suku ida la konkorda. Maibe sira mai ho objective ida deit, rai neé entrega ba estado hodi halo dezenvolvimentu . ’’.dehan APA Ainaro
Reuniaun neé halaó iha salaun VIP, Partispa husi Sekretáriu Planeamentu Investimentu Dezenvolvimentu Integradu Albertino de Araújo , Administrador Posto administrativu Ainaro Jerry Manuel Magno, Diretór Gestaun Merkadu, Manuela Ramos Pinto, Ditor Meio Ambiente Munisípio Ainaro, Xefe de partamentu Turismu, Xefe do suku Soro, Konseillo Suku, no mos Lian-nain suku Soro.
Jornalista :Sara Lewis / Elzy
Editor : Lian Orluli
