Lian Orluli— Lideransa Troika Partidu Frenti Revolusionariu Timor Leste Indepedente (FRETILIN) Lere Anan Timur, hateten ida ne’e iha Kampaña FRETILIN ho tipu Komisiu iha Kampu Futeból Munisípiu Ainaro Domingu ne’e.
Perante iha Militantes no Simpatizantes nian oin Lere hateten, alin no oan sira ne’ebé la hatene FRETILIN nia Istória kuntinua nafatin buka hodi hatene FRETELIN nia Istória, tamba tuir Lere Partidu Frenti Revolusionariu Timor Leste Indepedente (FRETILIN) hanesan Uma Lisan ba Timor-Oan tomak laos ba ema ida ka rua nian.
“Hau espelika kona-ba saida maka FRETILIN hanesan ohin iha ne’e FRETILIN maka hau, FRETILIN o, FRETILIN maka ita, no FRETILIN maka Povu Maubere. Tamba ida ne’e maka ba alin sira oan sira ne’ebé la hatene Istória buka hatene FRETILIN ninia Istória” Dehan Lere iha Munisípiu Ainaro 23/04/2023
Lideransa Trioka no Segundu jerasaun Partidu FRETILIN ne’e kuntinua afirma liu tan katak;
“Iha fatin ba fatin ita dehan katak FRETELIN laos kualqer Partidu FRETILIN Uma Lisan ba Povu Timor-Oan tomak, Uma Lisan ba Partidu hotu-hotu menus UDT menus APODETE ke ita la sura ona, menus KOTA TRABALISTA ke agora katuas sira ehan katak MONARQUIA ne’e ita la kontra mais tamba ita Funu hasoru Liurai maka FRETILIN moris ne’e.”Dehan Lere Anan Timur.
Núne’e Segundu Jerasaun Partidu Frenti Revolusionariu Timor Leste Indepedente (FRETILIN) ne’e konta mós ho Partidu ASDT basa nia konsidera ASDT hanesan mós Partidu Istóriku ne’ebe hahoris FRETILIN.
“ASDT FRETILIN sira nain rua ne’e ida deit, naran maka ketak-ketan maibe ida maka hahoris ida, ASDT maka hahoris FRETILIN tamba ida ne’e maka sira ASDT dehan FRETILIN hakerek iha ASDT nia leten tamba ne’e Partidu ASDT sira sei Vota ba FRETILIN biar ida ou rua deit maibe FRETILIN konta mós ho sira nia Votu tamba sira ne’e Partidu Istóriku”Lere Hateten.
Partisipa iha Komisiu ne’e Militantes no Simpatizante Partidu Frenti Revolusionariu Timor Leste Indepedente (FRETILIN) Husi Postu Administrativu Hato-Builiku, Hato-Udo, Maubisse, no Postu Ainaro Villa.
Entretantu Aktividade Kampaña ba Loron da lima Partidu FRETILIN iha Ainaro Lao diak maske ho kondisaun udan, tamba hetan Seguransa másimu husi PNTL no F-FDTL nomos Supervisiona husi CNE Municipiu Ainaro.
Jornalista Moises da Silva Magno
Editór Lian Orluli
