Lian Orluli— Tuir Xefe Departamentu Apoiu Tékniku Orlando da Lùz Santos hateten Ministèriu Agrikultura Peska Pecuaria Floresta, liu husi diresaun nasionál seidauk iha fini hare tama, tanba ne’e fahe deit fini batar tuir, orientasaun kada toos nain hetan kilograma lima hodi responde ba toos ektares balun, nune’e nia dehan to’os nain sira ne’ebé iha interese bele lori kartaun eleitoral ba rejistu hodi simu fini batar
“Komunidade to’os nain sira mai barak iha sai ba liur ne’e atu foti fini, maibe’e tinan ne’e fini iha Munisipiu Ainaro limitadu, foin dadaun hetan fini husi Diresaun Nasionál tonelada 6 deit, aloka ona tonelada 2 ba iha Posto Maubisse, Hatu-Builico. iha Posto Ainaro villa tuir orientasaun, agrikultor ne’ebé mak intrese tebes-tebes halo to’os,lori eleitoral mai rejistu hodi simu fini batar, fini limitau tebes tanba ne’e kada ema ida simu batar fini 5kg. Tuir tékniku husi 5kg ne’e bele responde ba meia ektare” ,” Xefe Departamentu Apoiu Tekniku ne’e hatete iha nia kna’ar fatin MAPPF Ainaro, 17/10/2023.
Xefe departementu apoiu tekniku ne’e hatutan, kona ba fini atu aumenta husi Diresaun Nasionàl maka foti desijaun, nune’e hodi kuntinua distribui to iha Suku no Aldeia
“ Diresaun Nasionál mak foti dezisaun atu aumneta fini ne’e no fo solusaun tau iha MAPPF Munisipiu Ainaro hodi kontinua distribui ba iha posto no suku” xefe Departementu ne’e hakotu
Enkuantu tuir kalendàriu husi diresaun Nasionál, fulan Janeiru fini hare seidauk tama tanba ne’e MAPPF Ainaro distribui fini batar ba tos nain sira maske la sufisiente nafatin esforsu hodi responde komunidade to’os nain sira ba to iha postu hodi kuda rai
Entertantu fini batar iha MAPPF Ainaro hamuk tonelada 6 aloka ona ba Postu Maubisse, Hau-Builico no Ainaro Villa, Kada toos nain sei hetan kilogrma lima maibe tuir orientasaun sei lori eleitoral hodi rejistu hafoin simu fini batar refere.
ESTJ:Renhy/Nynha
Editor : Lian Orluli
