Lian Orluli—Lyza Betinha Araújo Magno Neves remata estudu Arsitektu ho inisiativa konstrui kafé taria Beiala utilija fatuk ho modelu klasiku Eropa, lokaliza iha Postu Ainaro, Munisípiu Ainaro
Lyza Betinha Oan husi João Aleixo Magno Ferreira Neves no Pascoela de Araújo Neves, oan ba dala 6 husi maun alin nain 8
Lyza feto ne’ebé kreativu ho karakter ida uniku, diferente husi sira nain 7, ema ida nonok no gosta hamanasa, maibe’e husi nia nonok sira riku ho idea, tein inklui halo dekorasaun oi-oin
Lyza hahu nia estudu iha Ensinu báziku to remata sekundário iha Ainaro, wainhira remata iha sekundário no kuntinua estudu Unversidade katólika Darma Cendika, foti fakuldade Arsitektur jeral no remata iha tinan 2018.
Hafoin remata nia estudu iha Universidade, iha tinan 2018, fila mai timor durante tinan rua, Lyza Betinha laiha atividade atu halo, ikus mai hamosu idea hodi dejeña kafé taria ne’ebé modernu ho modelu klasik eropa, tanba hare ho klima Ainaro nian.
“Hafoin remata tiha hau nia estudu fila mai timor iha tinan 2019 hetan oportunidade tuir formasaun fulan ida atu ba Dubai la konsege entaun hau fila mai iha Ainaro durante tinan rua hau halimar deit iha uma, ho nune’e mosu idea dejena kafé taria ne’e” Lyza Haktuir
Nia hatutan “ Hau nia estudu Arsitektur jeral laos epesifiku iha dejeña interior, tanba hau gosta dekorasi, ho nune’e maka hau rasik dejeña interior kafé nian, inklui Kadeira no asesoris sira seluk”
Mosu ideia dejenha fatin kafé taria mehi kedas wainhira sei eskola iha Surabaya nune’e refleta mai iha Ainaro, tanba ambiente furak no atrai tebes, aliemde ne’e iha fatin eransa tempu invajaun portugues balun ne’ebé halo husi fatuk, nune’e lori Lyza dejenha uma ho modelo klasik Eropa tradisionál utilza husi fatuk
“Momentu hau sei eskola iha Surabaya, hau dezenha ona kafe taria, inspira tebes hau hakarak harí kafé taria bainhira fila mai timor, entaun hau tertarik los ho kafe iha surabaya ne’e nune’e hodi hamosu ideia ida ne’e no hau rasik maka sei dejenha no harí kafé taria ida iha Ainaro’’ Lyza dehan
Nia hatutan tan maske laiha esperiensia iha barista, nafatin ho fiar a’an katak nia bele halo tanba iha esperiensia tein, ne’ebé inspira husi nia mama rasik
“ Hau nia mãe ema ida gosta tein, tanba ne’e inspira tebes hau, bainhira hau fila mai timor, hau la moe atu halo saida maka hau nain mehi, i hau mos fiar aan hela tanba hau bele tein hanesan mos iha restorante sira seluk, tanba wainhira hau sei ki’ik sempre akompãnha mãe tein wainhira iha Workshop ruma no actividades seluk mak presija food and catering” feto kreativu ne’e haktuir ho fiar a’an
Lyza hatutan tan kafé Beiala produtu lokál laos importasaun, no kafé husi Ainaro rasik inklui ho hahan sira seluk.
Lyza dehan, maiske hasai nia estudu arsitektur sedauk hanoin buka servsiu iha goveno nian, tanba tuir nia maioria ema hotu servisu iha tendesnia polítika nia laran la hare ba ema nia kapasidade, tanba ne’e nia iha hanoin rasik hodi halo nia actividades negocio nian
“Agora ne’e hau sedauk iha mehi hodi hakoak diploma buka sevisu iha governo, ita bele halo saida maka ita iha, depende ba vontade no kreativu deit, interese maka “la-bele moe no keta tauk atu komesa, keta hanoin makas, halo deit saida maka senti ne’e bele” ida ne’e maka hau nia moto” Lyza dehan iha nia fatin Kafé taria Beiala
Feto kretaivu ne’e nafatin fiar a’an dalaruma hasoru desafius, maibee ne’e la sai obsataklu, nia sepre hamanasa hodi hasoru, tanba tuir nia laiha buat ida maka labele waihira sei hakarak esforsu
“Hau nia alin no feto maluk sira ne’ebé maka iha mehi labele moe atu espresa, halo deit saida maka o senti bele halo, labele moe no tauk atu halo sala” Lyza enkoraza
Maiske nune’e dalaruama nia sempre hasoru dezafius maibe’e ho fiar nafatin tanba familia sempre hamrik iha nia kotuk
“Hau nia familia la husik hau mesak no hau nia parseiru sempre hamotuk ho hau iha situasaun saida deit hodi fo idea no suporta tanba ne’e hau forsa” Lyza hakotu
Enkuantu Lyza Betinha Arújo Magno Neves Moris iha Ainaro 22 Janeiru 1995, forma ona familía ho Crisogno Lays Asa Xavier, iha ona feto ida naran Quiny.
Kafétaria ne’e hahu konstrui iha tinan 2020 no lansa iha tinan 2023.
Jornalista : Lian Orluli
Editór : Lian Orluli
