Lian Orluli- Ministériu Asuntu Kombatente Libertasaun Nasionál , MACLN (sigla portugés) liu husi konsellu Veteraus munisípiu Ainaro, tersa ne’e kondekora veteranus hamutuk atus rua ualu (208) kompostu husi partisipasaun 8 à14, 15 à 19 no 20 à 23
Iha serimonia kondekorasaun fahe medaila, Prezidente Konsellu Veteranus Munispiu Ainaro Julio daconceição ” Loro Mesak” dehan Veteranu hirak ne’e estadu rekoiñese nudar luta nain maibe seidauk hetan osan, maske nune’e halo tratamentu uniforme ba sira
“Ohin ita kondekora ita nia veteranu sira nain atus rua ualu, sira barak lahatene,(replay pergunta veteranu sira nian) kondekora ona hanesan ne’e simu osan ka lae? ita esplika ona ba sira katak: kondekorasaun ida agora ne’e, ne’e medaila estadu rekoiñese sira nudar luta nain maibe la kategoria ba pensaun, pensaun ne’e dedikasaun 8 á 14 ba leten maka simu osan maibe sira ne’ebé partisipasaun ne’e 8 à 14 ka 20 à 24 ne’e naran mak ida ne’e: osan laiha, iha ne’eba orden gerilla, orden funu nain, orden Nicolau Lbato lahanesan, entaun ita labele foti fali husi orden ida tau fali ba orden seluk, simu tuir ida ne’ebé mak iha ne’e, maibe osan laiha, tratamentu saúde, bolsu estudu, rekrutamentu Polisia ka FDTL, ita fo rekomendasaun hanesan deit”, dehan Loromesak iha Salaun Parokia Nossa Senhora de Fátima Ainaro.
Ho nune’e Prezidente Autoridade Munisípiu kongratula ba Veteranos Kondekorasaun sira tanba kontribui ona ba ukun rasik aan, kondekorasaun ne’e nu’udar varius orden ne’ebé ezekuta iha Loron 28 de Setembru husi tinan 1975 to 1999
“Parabens ba inan no aman Veteranu sira ne’ebé mak ohin simu kondekorasaun nasaun rekoiñese ona ita bo’ot sira nia kontribuisaun ba ukun rasik a’an tanba 7 de Setembru 2024, ko’alia kona-ba kondekorasaun várius orden ne’ebé ezekuta iha 28 de Novembru 2024 ba selebrasaun aniversáriu 49 proklamasaun independensia, iha okaziaun ne’e halo ita lembra fila fali tempu 24 Anus hahú husi 1975 to’o 1999, la fasil tanba ita lakon ita nia família lubuk bo’ot ne’ebé mak ho aten bráni hakilar katak ami hakarak ukun rasik a’an, fó sira nia vida iha ai-laran, iha sidade no mós iha fatin hotu-hotu, liu husi prosesu no sofre-mentu ba timor-oan hotu, tanba ne’e ohin ita hamri’ik hanesan nasaun Repúblika demokrátika de Timor-Leste, no ita nafatin luta ba moris di’ak iha futuru, tanba ne’e husu ba Inan no Aman Veteranu sira atu fo hanoin no apoiu moral hodi nune’e bele kontinua luta ba moris di’ak povu Ainaro nian iha futuru, ha’u hamriik hanesan Prezidente Autoridade Munisípiu Ainaro iha ita bo’ot sira nia oin, tanba ne’e ha’u husu ita bo’ot sira hanesan Veteranus atu fo hanoin no apoiu moral oinsá mak ita hamutuk hodi halo dezenvolvimentu ba Ainaro hodi hare’e ba futuru,ita hotu hatene katak orsamentu tinan 2025, aprova ona Parlamentu Nasionál ho montante U$$ 7.879.212, ho votus afavor 43, hodi responde ba prioridades prinsipais Ekonómiku Munisipiu Ainaro nian, hodi konkretiza tuir artigu 6, konstituisaun RDTL, nune’e hodi fó moris di’ak ba povu tuir dekretu lei 84/2023, ko’alia kona-ba desentralizasaun Governu Lokál “, dehan Prezidente Autoridade Munisipio Ainaro iha Salaun Paróquia nossa senhora de Fátima Ainaro iha serimonia kondekorasaun medaila ba veteranu sira.
Veteranus hirak ne’ebe estadu liu husi MACLN kondekora, simu medaila ne’e, mai husi Postu Administrativu Maubisse, Hatubulico, Hato-Udo inklui Ainaro Villa
Antes ne’e lutanain barak mak hetan ona kondekorasaun husi estadu ho medaila ne’ebé hanesan no hirak ne’e foin kondekora tanba antes ne’e kuaze ema barak liu
Enkuantu serimonia simu kondekorasaun ne’e iha salaun parokia Nossa Senhora de Fátima Ainaro Partisipa Husi prezidente Autoridade Munisipiu no postu lideransa komunitaria inklui PNTL Ainaro.
Jornalista: Sara Lewis Tikti
Editor : Lian Orluli
