Lian orluli-7/06/2022- Ministerio Administrasaun Estatal (MAE) hala’o formasaun ba funsionárius kargus xefia kona-ba planeamentu orsamental atu eleva konesimentu hodi hala’o jestaun orsamentu munisipal 2022.
“Kapasitasaun ne’e ho objetivu atu eleva koñesimentu direjente kargu xefia administrasaun munisipiu Ainaro, atu nune’e sira bele iha konesimentu diak oinsá atu bele ajuda sira iha planeamentu orsamentu atu nune’e bele ezekuta ho diak liután iha tinan 2022 nian,’’ Diretor Nasional Administrasaun Estatal Finansas, Celestino Marques ba lian Orluli iha munisipiu Ainaru.
Formasaun ne’e hala’o loron rua ho materia hanesan planu orsamentu anual ne’ebe aprova iha tinan 2022 ba munisipiu Ainaro, aprezenta mos regras oinsa atu hala’o ezekusaun kona-ba regras aprovasionamentu nian ne’ebe sei gastus iha orsamentu estadu.
‘’Rona mos dezafius hirak ne’ebe iha nune’e bele kapasita sira diak liután iha sira nia ezekutasaun servisu tuir kna’ar kargu xefia nian,’’diretor ne’e sublina.
Entretantu atividade ne’e hala’o iha salaun Administrasaun Munisipio Ainaro ho asuntu kona-ba informasaun workshop perante loron rua.
Editor : Lian Orluli
