Lian Orluli—Diretór Fundasaun MAHARU Bonifácio Serenho Ramalho Hateten, MAHARU kapasita komundade identifika problema konaba risku desastre naturais sira iha Munisípiu
“Objetivo husi formasaun ida ne’e atu halo kapasitasaun ba komunidade sira hodi nune’e bele aumenta koñesementu oinsa identifika problema, liu-liu konaba risku desastre naturais no liu husi atividade refere bele sai ona matadala ou baze fundamentál ba pesoál formasaun oinsa maka bele sensibiliza no dezamina informasaun sira ne’ebé maka iha relasaun ho desastre naturais iha komunidade nia leet” dehan Diretúr Funadasun MAHARU Bonifácio
Partisipante Paula Araújo orgulho tebes ba MAHARU bele partisipa iha treinamentu nune’e bele hasa’e koñesementu diak liu tan iha area risku ba desastre nian
“Ha’u senti orgulho tebes bele partisipa iha workshop ida ne’e tamba ita hatene katak munisípiu Ainaro kada tinan sempre akontese desastre naturais hanesan udan raí monuno uma hetan estragus husi anin entaun, nudár Joven ida suku Maubisse senti orgulho tamba liu hosi workshop ida ne’e bele kapasita ou mentaliza komunidade sira atu nune’e ba oin bele fahe fali informasaun sira ne’ebe hetan ba ita nia Sociedade ka komunidade sira” partisipante Paula hateten iha ambitu Fomasaun
Entertantu Atividade ne’e hala’o hetan apoiu husi ADPS, fasilitador/a Sira husi Fundasaun MAHARU partisipante husi Postu Administartivu Ainaro inklui Postu Maubisse.
STJ: Elzy/Hanya/Reny
Editór : Lian Orluli
