Lian Orluli— kazu omessidu ne’e akontese iha Aldeia Nunumoge-lau suku Nunumoge Postu Administrativu Hatobuilico Munisípiu Ainaro, segunda feira ne’e, mais ou menus tuku haat madrugada oras Timor-leste sidadaun nain tolu mate iha uma lisan Berdato no labarik ida Grave evakua ba HNGV
Hafoin akontesimentu parte PNTL munisipiu Ainaro to’o iha fatin akontesimentu, hodi halo identifikasaun iha fatin akontesimentu no foti mate isin husi uma –laran ne’ebé hetan apoiu husi Autoridade Protesaun Sivíl munisipiu Ainaro (APC)
Sidadaun ne’ebé lakon vida Maubuti, idade neen nulu, Ana Orleans idade neen nulu, mate iha uma lisa Berdato, inklui Celestino Xavier idade sanulu resin sia, hafoin evakua ba iha Centru Saúde Ainaro, maibé labele salva vida no vítima Lucio de Araujo tinan tolu, kanek todan iha kakorok, evakua ba iha Sentru Saúde Ainaro, hodi kontinua transporta ba iha Hospital Nasionál Guido Valadares
Mário corte-real, nudar oan mane, haktuir, kazu ne’e akontese mais ou menus tuku haaat madrugada haktuir, suspeitu sira tama uma-laran oras madrugada, bainhira suspeitu loke odamatan, vítima sira iha uma-laran la sente, wainhira hakfodak suspeitu kaer ona katana hodi ta’a sidadaun na’in haat.
“Akontese ne’e iha oras mais ou menus 4:00 madrugada, suspeitu tama ba uma laran, hare ferik ho katuas toba hela no la hatene saida maka nia atu halo ba, iha nebá nia taa uluk Subrinho Celestino no subrinho ne’e konsege bolu nia maun ho hakilar katak JDCC taa hau, ami rona ne’e konsege halai sae ba uma, suspeitu ne’e taka metin odamatan hodi taa mos Apa Maubuti ho Ama Ana homoss kikoan Lucio,” haktuir Mário corte-real, nudar oan mane.
Iha fatin hanesan komandante investigasaun PNTL Ainaro sarjentu xefe Armindo do Rosário de Araújo, suspeitu iha ona sela detensaun durante oras hitu nulu resin rua, hodi submete ba primeiru interogatóriu iha tribunal distrital suai.
“Suspeitu ne’ebe oho vitima nain tolu ho labarik ida idade tian 3 dadaun ne’e iha ona parte seguransa PNTL nia liman hodi kumpri horas 72 iha sela detensaun nune’e hodi submete ba Primeiru Interogatóriu iha tribunal distrital Suai,” komandante investigasaun PNTL Ainaro sarjentu xefe Armindo do Rosário de Araújo
enkuantu iha terenu polisia rekolha ona evidedensia hanesan katana ne’ebé suspeitu uza hodi oho sidadaun na’in tolu no kanek ida ne’e, hodi aseguru núdar evidensia. tuir lei númeru 5/2017/ arma branka, bandu ema kaer sasán kro’at no habaddak ema nia vida.
Editor : Lian Orluli
