Istoria ❤
Iha ai-laran fuik ida iha manu-falur mutin 2 ne’ebé mak laos tan domin mak sira foin hasoru malu.. Maibe, Maromak fo kedas ona sira moris hamutuk hahu sei hnsn tolun iha knuk ida.. Domin ne’ebe mak perfeito tebes.. Loron ba loron sira mos bot ba dadauk komesa mesak semo ona sira sai hosi sira nia knuk no husik sira nia inan aman ho komprimisio ida deit katak, entre sira nain 2 sei labuka tan seluk.. Signifika katak sira nain2 deit mak sei moris hamutuk no sei labuka tan seluk ‘aman sei labuka tan inan seluk no inan sei labuka tan aman seluk’ to mundo nia rohan. Ne’e mak sira nia mehi.
Tempo lao bebeik sira halao domin ne’e ho kontenti.. No iha loron ida manu falur inan ne’e dehan ba manu falur aman ne’e katak nia besik tolun ona.. Ho nune’e manu falur aman ne’e mos kontenti hodi identifika kedas ai ne’ebe mak naruk tebes atu sira nain2 halo knuk hodi rai tolun.. Sira serbisu hamutuk hodi lalin dut, aisanak no aitahan ne’ebe mamar hodi forma knuk rasik.
Ho nai nia grasa haraik ba sira, manu falur inan ne’e mos komesa tolun.. Durante manu falur inan ne’e tolun ona iha knuk ne’e manu falur aman ne’e lahusik manu falur inan ne’e mesak maibe, sira nain2 sempre hamutuk hodi lut lisuk tolun ne’e..
Loron lao ba bebeik to ona nia tempo no manu falur tolun ne’e nakfera ba manu falur oan2. Inan no aman hosi manu falur ne’e mos kontenti hodi koidadu nafatin sira nia oan2 ne’e hosi balada seluk.
Ho nune’e wainhira aman ba buka hahan inan hein hodi lut no wainhira inan ba buka hahan aman hein hodi lut.
Loron lao bebeik maibe, iha loron ida sorte at tebes, wainhira aman sai ba buka hahan nia lafila tamba ” kasador sira ne’ebe mak kanten tiru mate tia manu falur aman ne’e,, manu falur inan ne’e nafatin hein.. Hein.. To rai nakaras nia lafila oan sira mos tanis tamba hamlaha.. Ho nune’e falur inan ne’e mos foti desijaun hodi husik hela nia oan2 ne’e hodi ba buka manu falur aman ne’e.. Wainhira nia semo as hodi hateke, nia hare hetan kasador lubun1 ho kilat manu nian iha liman tur hela iha ai-hali ne’ebe wainhira sira hmlha sira ba han nia fuan ne’e nia hun.. No nia mos hare hetan manu falur aman ne’e kasador tau hela iha nia kohe no ho kondisaun fulun ne’ebe mak mutin mos nakfila ba mean iha hirus matan ne’ebe pinta ho ran.
Ho nune’e manu falur inan ne’e semo fila fali ba nia knuk ho laran moras tebes, hanoin atu simu no halo aksaun hasoru maibe nia hare ba nia an nia forsa laiha.. Nia neon lakon hanoin badak hakarak tebes atu oferece mos an ba kasador ne’e oho hotu.. Maibe nia hanoin fali ba nia oan2 ne’ebe mak sei innocente no seidauk bele semo mesak no buka hahan mesak. Ho nune’e nia mos forsa fila fali hodi halao moris ne’e mesak ho nia oan2.
Tempo ba tempo nia oan2 ne’e mos bo’ot ba dadauk no nia mos komesa hanorin oan2 ne’e semo no buka hahan.. To sira rasik bele semo mesak no buka hahan.
Falur oan2 ne’e hateke ba sira nia inan hodi husu, ita manu-falur ne’e moris mai ho kedas nia par oinsa mak ho ina ami nia ama iha ne’ebé mak durante ne’e ina mesak.. Ho nune’e falur inan ne matawen monu hodi konta saida mak akontese ba sira nia aman no hanorin sira atu moris dok hosi ita ema. Manu falur oan2 ne’e tanis hodi dehan ba sira nia inan tamba sa mak ita mesak kriatura ne’ebe forma hosi maromak, maibe sira labele hare ita hanesan parte ida hosi sira, maibe sira hare ita hanesan sira nia hahan.. Laos ka ita mak hananu ba sira molok sira hatene hananu, laos ka ita mak semo uluk iha loro leten molok aviaun sira semo.
Wainhira koalia hotu inan mos lori sira semo ba ai-laran ne’ebe mak dok hosi ita ema atu sira moris livre no dok hosi ita ema nia hahalok ne’ebe mak lafamiliar ona ho balada sira.
” mário mau-lore araújo “
Tamhuk, 19-05-2018
