Ainaro Lian Orluli— Ministériu Agrikultura Peskas liu husi servisu Agrikultura Munisípiu Ainaro distribui fini hare Nakroma tonelada 18 ba natar na’in sira.
Xefe Departamentu Àpoiu Tèkniku Servisu Agrikultura no Peskas munisipiu Ainaro Orlando da lùz dos Santos ba orluli news kuarta feira nee informa fini hare ne’ebé distribui periodade ba natar na’in sira ne’ebé iha suku Kassa Ainaro, Raibere no Bonuk Postu Administrativu Hato-udo, inklui natar na’in iha suku Manutasi Ainaro.
“Fini hare ne’ebé destribui ne’e preoridade ba natar na’in sira ba ne’ebe iha suku sira hanesan suku Kassa Ainaro, Raibere no Bonuk Postu Administrativu Hato-udo, inklui natar na’in iha suku Manutasi Ainaro, tanba ne’e ita destribui ona tonelada 18 ba natar nain sira,” esplika xefe Departamentu Àpoiu Tèkniku Servisu Agrikultura Peskas Munisípiu Ainaro ba jornalista Orluli hafoin hala’o destribusaun fini hare bà komunidade natar nain sira iha armajen. tersa(21/12/22)
Enkuantu kona bá totál númeru benefisiariu ne’ebé mak simu fini hare, xefe departamentu nee hateten, nia parte seidauk iha informasaun husi extensionista sira hato’o ba nia, tamba extensionista sira iha terrenu hotu.
Editor : Orluli news
