Lian Orluli— Ministru Agrikultura, Pekuaria,Peskas no Floresta (MAPPF) Marcos Da Cruz, quinta ne’e halo lansamentu ba programa kuda hare ho makina teknolojía agrikultura moderna iha suku Cassa,postu administrativu Ainaro ne’ebé apoiu husi Banku Mundiál liuhusi projetu Agiculture Productivity Improvement Projecta(SAPIP)
Ministru Agrikultura Pekuaria,Peskas no Floresta (MAPPF),Marcos Da Cruz dehan mákina agrikola kuda hare nian ne’e governu ho parseiru Banku mundiál oferese ba grupu agrikultura sira aoisá atu moderniza sistema agrikultura hodi fasilita natar-nain halo serbisu no efikas hodi hasara produsaun hare iha rai laran
Ministru Afirma tan, tinan ne’e governu tau ona orsamentu hodi sosa tan mákina agrikola ho teknolojía modernaba agrikultor iha territóriu laran tomak, ne’ebé lá’os grupu alvu programa oinsá atu reduz tempu,ema no gastus sira
” Ida ne’e importante tebes.ohin, ita bele hatudu ba agrikultor sira timoroan tomak katak ba oin ita sei dezenvolve ita nia setór agrikultura sira. liuliu ba natár ita buka daudaun atu aplika teknolojía, uluk ita halai natár ho karau depois ho tractor no dala ataka kuda de’it ho liman kankare de’it. ne’e hotu di’ak maibé dezvantagen mak todan tebes, presiza tempu naruk hodi finalija área ektares bele tonloron rua ou tolu“, Ministru hatete iha intervensaun. (5/02/2025)
Ministru ne’e hatutan “distribui makina moderno atu fasilita agrikultura sira, hodi halo hatar diak liu tan no hand traktor hodi fila rai, Prepara rai, kuda hare, ida nee hanesan segundo fase ita apoiu ba grupo 4, traktor 5, makina kuda hare 5, hodi hamenus kustu operasaun”
Xefe husi grupu Haburas, Felisberto de Araújo agrdese ba Governu no fo garante sei serbisu makas hodi hasae produsaun haree iha rai laran
“Senti kontinente tebes ho apoiu ne’e bele fasilita ho hakaman ami, ami mós sei serbisu makas hodi hasae produsaun liu-liu haree”, Felisberto promete
Nune’e Prezidente Autoridade Munisípio Ainaro Manuela Geogina Carmo Bucar Corte-Rela reforsa, agrdese ba Ministerio Agrikultura Pekuario Peska no Floresta bele ajuda ona agrikultura sira, ho makina moderno hodi bele fasilita agrikultor sira hakaman sira nia servisu
“Agrdese ba Ministru MAFFP bele tau Prioridade mai munisípio Ainaro, liu husi agrikultura bele fo han ita nia agrikultura sira,tanba Ainaro maioria populasaun agrikultura, ho makina sira nee bele ajuda sira no fasilita sira badinas liu halo natar, iha prátika ita hare ona menutu sanulu de’it sira bele kuda hare kabubu ida”, PAM Agrdese
Enkuantu grupu ne’ebé alvu ba programa ne’e hamotuk hat (4) mai husi suku Cassa, postu administrativu Ainaro Munisípiu Ainaro, hetan makina modernu kuda hare lima (5) no hand traktor lima (5), aleinde apoiu makina, apoiu mós osan dólar 21 milo UNes
Jornalista: Sarah lewes
Editor: Lian Orluli
