Lian Orluli— kinta feira horseik iha Aldeia Builico, Suku Ainaro, mais ou menus iha oras 08:00 kalan, Marcelino Pereira hetan kanek grave iha konosen sorin parte karuk, deskomfia sona husi suspeitu CG
“Iha kinta kalan mais ou menus 08:00, mosu tentativa omesidiu, hodi rejulta vítima Marcelino Pereira ho idade 28, hetan kanek grave iha kalilin parte liman karuk ,depois de akontementu ne’e lori kedas vítima mai iha sentru saúde Ainaro hodi halo tramentu emergensia, komu hare vítima kondisaun grave liu, tranfere kedas vítima ba hospital Nasionál hodi halo tramentu,” esplika komandante investigasaun Sargentu chefe Armindo do Rosáriu
Komandante Investigasaun ne’e hatutan arguidu ho inisial CG kaptura kedas iha kalan ne’e mais ou menus iha oras 11:00, dadaun ne’e iha ona sela Polisia Ainaro hodi submete ba prosesu investigasaun
“Mutivu ne’e ita sedauk hatene tanba sedauk bele halo prosesu investigasaun, depoide de ita halo verifikasaun foin maka hatene nia kauza ne’e, no kontaktu ona ho prokurador, parese aban lori nia ba ministériu públiku no lori suspeitu ba tribunal hosi submete ba primeiru interogatoriu,” nia hakotu
Enkuantu husi akontementu ne’e suspeitu ho inisial CG iha ona sela, hodi hein prosesu investigasaun, kona ba objektu sei iha verikfiasaun no kazu refere rejista ho Nuc 0040/23.ANANV
Editor: Lian Orluli
