Ainaro lian orluli -23-09-2022-Akontese Masakre Mau-Nuno Iha Loron 23 Fulan Setembro Tinan 1999 Resulta Ema Nain 11 Lakon Vida Ne’ebé Hetan Asaltu Husi Forsa Indonesia, Husi Mártires 11 Ne’e Nain 2 Hetan Ona Rekoñesementu Husi Governu Nain 9 Seidauk Hetan.
Tamba ne’e iha Selebrasaun loron Masakre Mau-nuno ba dala 23 Reprezentante povu iha uma fuikun Parlamentu Deputadu Antonino Bianco Hateten ba Familia Mártires sira ne’ebé seidauk hetan rekoñese husi Governo presija halo levantamentu atu nune’e sira bele hetan mos rekoñesementu.
“Durante kada tinan sempre selebra hela deit masakre Mau-nuno ohin loron hau foin rona katak iha mártiris nain 9 seduk hetan rekoñesementu tamba ne’e hau husu ba familia sira ne’ebe iha ne’e, bele halo levantementu atu nune’e mártires sira bele hetan rekoñesemetu husi governu”. Hateten Deputado Antonino Bianco ba jornalista iha serimonia selebrasaun Mártires masakre Mau-nuno ba dala 23, sesta (23/09/2022)
Alende ne’e kórdenador veteranu Enterinu Benedito Floribal (Salon ) realsa tan, Martires sira sei valoriza hotu , tamba sira maka fo isin hodi liberta rai doben ida ne’e hetan ukun rasik aan
“Martris sira ne’e tenki valoríza hotu, no tempu oportunu ona hodi valoríza sira, tamba sira mak ita nia rai ne’e hetan independensia”. hatutan kordenadór veteranu enterinu Benedito Floribal (Salon ) iha Mau-nuno
Iha fatin hanesan xefi do suku mau-nuno valenti Bianco Ramos salenta tan komemorasaun loron masakre Mau-nuno ba dala 23 atu bele hanoin hikas fila fali herois sira ne’ebé mate hetan oho husi forsa Indonesia iha tinan 1999 nebe’e akontese iha Manu-nuno hodi rejulta ema nain 1 mate.
“Selebrasun loron masakre mau-nuno atu hanoin hikas fali ne’ebé mak iha tempu ne’ebá mate hetan oho husi militar Indonesia tamba ne’e ohin loron ita selebra loron masakre mau-nuno nian ba dala 23 hodi bele fo menagem fila fali ba martiris sira ne’e tamba sira mate liberta rai ida ne’e hodi hetan ukun rasik aan,ba ita sira ne’ebé sei moris tenki fo menagen no Agradese ba sira nebe mate ona tamba lori sira nia isin hodi sosa rai ida ne’e, ba ita sira ne’ebé moris hein goja deit”.hateten xefi suku mau-nuno iha fatin selebrasaun
Enkuantu aktividade ne’e realiza inisiativa husi Aturidade local inklui komunidade no joventude suku Mau-nuno hetan suporta masimu husi autóridade local no partisipa iha aktividade ne’e Deputadu Antonino Bianco no Directór liñas ministeriais ho representante no auturedade siguransa PNTL no protesaun civil Bomberos inklui familia Martiris no Komunidade suku Mau-nuno.
Editor : Orluli News
