Lian Orluli— Segunda-feira ohin matreais sensitivu no non sensitivu husi nasionál to’o ona iha STAE munisípiu Ainaro iha oras mais ou menus 06:35,(loraik) ne’ebé akompanha husi Prezidente Autoridade munisípiu Ainaro no Autoridade seguransa Polisia Nasionál Timor-Leste (PNTL)
Ba lian Orluli Prezidente Autoridade Munisípiu Ainaro, Leovigildo Amaral Pereira hateten,matreais sensitivu no non sensitivu hetan asinatura husi autoridade munisipiu Ainaro inklui Komandante Polisia Nasionál Timor-Leste (PNTL) munisipiu Ainaro hodi asegura materiais sensitivu sira to iha Secretariado Técnico da Administração Eleitoral (STAE) Munisipiu Ainaro ho seguru.
“Ohin ami konsentra hamutuk iha STAE hodi simu materiais eleisaun suku nian, materiais sira ne’e kompostu husi buletin de votus no mos seluk tan, matriais sira ne’e transporta husi kareta ne’en husi Dili mai Ainaro, ba kareta ne’en ne’e kompostu husi STAE nian rua no Postu adminstrativu nian 4, akompanha mos husi seguransa komando PNTL munisipiu no Autoridade Munisipal, nomos hetan eskolata husi Polisia tranjitu,” dehan Prezidente autoridade Munisipiu Ainaro, akompaña transporta materiais sensitivu no non sensitivu mai Ainaro.
Iha okaziaun hanesan komandante PNTL Munisipiu Ainaro, komfirma katak, eleisaun lideransa suku sei hetan seguransa komando Polisia Nasionál Timor-Leste (PNTL) munisipiu Ainaro, no sei hetan apoiu seguransa husi kontigenti Geral.
“Komando PNTL munisipiu Ainaro preparadu intermus de fasilidade transporte no seluk tan inklui ekipametus seguransa, alende ne’e sei iha apoiu seguransa husi komando geral”, dehan Komandante komando PNTL munisipiu Ainaro, superientendente Paulino Carmo Pereira de Araújo
Nune’e mos Diretor STAE munisipiu Ainaro hatutan tan, distribuisaun material sensitivu no non sensitivu hanesan buletin do votus sei hala’o aban no sei simu simu husi xefé suku, xefe aldeia no delegadu/a, inklui mos sei halo pakotementu hodi distribui ba sentru votasaun sira iha Munisipiu Ainaro tomak iha resintu Administrasaun Munisipiu Ainaro
“Aban mais ou menus iha oras 10:00 ami sei halo pakotamentu material sensitivu no non sensitivu sei hala’o durante loron tolu –loron ha’at ida hanesan ne’e, sei komvida mos autoridade sira sei marka mos prezensa hodi akompanha pakotamentu ne’ebé sei halao iha aban”, diretur ne’e hakotu.
Enkuantu total eleitores iha munisipiu Ainaro hamutuk 47,912 no total sentru votasaun 131 iha Munisipiu Ainaro .
Editor :Lian Orluli
