Lian Orluli— Ministériu Comersiu Industria (MCI) sei realiza feira iha munisípiu Ainaro hodi selebra loron independensia 20 maiu ba dala 22
Bazeia ba programa realiza atividades feira ne’e, ekipa MCI husi nasionál hala’o enkontru ho prezidente autoridade munisípiu Ainaro Manuela Georgina Carmo Bucar Corte-Real hodi hala’o preparasaun feira ba selebra loron independensia 20 maiu ba dala 22
Ba Lian Orluli,Tekniku profesionál marketing MCI, Angelito da Costa hateten, feira ne’e priodade liu ba promosaun produtu lokál no kalan kultural, atividade ne’e sei realiza iha loron 2 to’o loron 4 fulan maiu tinan ne’e
“Objetivo principál atu halo kordenasaun kona ba perparasaun selebrasaun ba loron 20 de maiu komemora ba dala 22, loron restarausaun independensia, ohin ami mai atu kordena ho prezidente autoridade munisípiu ho ekipa inklui servisu rejionál comersiu industria munisípiu Ainaro, oinsa atu hare’e kona ba perparasun selebrsaun organija feira municipál ida iha munisípiu Ainaro inklui noite kultuirál, Ainaro nian realija ho noite kultura ba komemorasaun loron 20 de maio sei monu iha dia 2 ate dia 4, perpasaun ba loron restaurasaun independensia, orsameto hamutuk rihun atus ne’en (600), ne,e kobre hotu munisípiu 13” Dehan Tekniku profesionál marketing MCI, Angelito da Costa, kuarta (11/04/24)
Orsamentu ne’ebé sei utuliza ba programa hodi realiza feira no noite kultura ho valór rihun atus neen, husi orsamentu refere la’os de’it ba iha munisípiu Ainaro, maibé perkore ba munisípiu hotu
Prezidente autoridade munisípiu Ainaro Manuela Georgina Carmo Bucar Corte-Real hateten, feira ne’e sei promove bazar baratu hodi faan produtu lokál sira ne’ebé identifika liu hanesan kafé, modo no produtu seluk tan
Alende ne’e ba kalan kultural sei promove muzíka kultura sira ne’ebé antigu ona nune’e bele hamoris fila-fali.
Nune’e Prezidente autoridade espera ho feira ne’e sei bele lori vantazen ba iha povu munisípiu Ainaro
“Ohin hau simu vizíta husi ministéiro comerio industria halo kordernasaun ba perparsaun selebrasaun loron restaurasaun 20 de maio aktividade ne’e halao’o iha munisípiu hotu-hotu, Aianro hetan nia loron dia 2 ate dia 4 durante tres dias ,mais ou menus aktividade saida mak ita atu halo iha durante ita prense ba iha loron tolu nian,iha feriras iha bajar baratu no iha noite kultural, iha noite kultural ne’e ita hanoin liu oinsa atu promove ita nia tradisaun ne’ebe mak kleur no antigo ona kuaje ke lakon oinsa ita atu hamoris fali, posto 3 sei hola parte hotudu iha noite kulturál ne’e mai ho sira nia bidu, serigala no muzíka tradisionál” Prezidente Autoridade Munisipiu Ainaro Manuela Georgina Bucar Corte-Real
Enkuantu feira ne’e rasik MCI prepara ona stand haat nulu nune’e tuir planu atu bele hari haleu iha kampu futebol Ainaro
Jornalista : Selita Xavier
Editór : Lian Orluli
