Ainaro Lian Orluli — Média Online Lafaek News sai manan na’in daruak iha prémiu Jornalizmu da Paz Maria Gorete Joaquim 2022 atribui husib Centru Nasionál Chega (CNC) iha ambítu lansamentu loron Nasionál liberdade imprensa no lansamentu monumentu memorial liberdade iha postu administrativu Balibo Munisípiu Bobonaro.
Média Online Lafaek News hetan prémiu jornalismu da Paz hetan prémiu Maria Gorete Juaquim iha kategoria media online di’ak liu ne’ebé husi obra jornalistiku ho titulu ‘ Fíziku la sai bareirra atu hamate espíritu matenek buka osan’ prémiu ho osan montante $ 1, 500.00.
Hafoin simu prémiu iha intervensaun Konsellu Sentru Nasionál Chega (CNC), Sisto dos Santos hateten, ho kontribuisaun servisu ne’ebé mak jornalista sira fo ona mak iha relatóriu CNC rasik hamosu rekomendasaun oinsá bali no kuida jornalista sira nian kontribuisaun liu husi rekomendasaun CNC kona-ba kontra direitus umanus.
“Ho kontribuisaun servisu sira ne’ebé mak jornalista sira fo ona mak iha relatóriu CNC rasik hamosu rekomendasaun oinsa bali/kuida jornalista sira nian kontribuisaun liu husi rekomendasaun CNC kona-ba kontra direitus umanus hodi hetan partisipasaun no garante liberdade ne’ebé esensiál”, esplika Konsellu sentru Nasionál Chega (CNC) Sisto dos Santos hafoin fahe prémiu iha postu administrativu Balibo Munisípiu Bobonaro Domingo ( 16/10/2022).
Konsellu CNC ne’e afirma, Jornalista tenki iha responsabilidade boot ba nia notisia tenki indepente loos, imformasaun sira ne’ebé hatoo Kondekorasaun ne’e fo atu hasae obra ba jornalista hirak ne’ebé mate ona iha Timor bainhira hala’o knar hodi buka lia loos.
Lansamentu loron Nasionál liberdade imprensa no lansamentu monumentu memorial liberdade iha postu administrativu Balibo Munisípiu Bobonaro ne’e realiza husi Konsellu Imprensa (KI) no sentru Nasionál Chega (CNC) iha postu administrativu Balibo Munisípiu Bobonaro.
Iha fatin hanesan hafoin simu prémiu reprezentante Governu Ministru Prezidensiál Konsellu Ministru Fidelis Manuel Leite Magalhães reafirma, fiar katak jornalista liu husi Konsellu Imprensa atu bele vizaun no hanoin sira ne’ebe klaru iha enkuadramentu ne’ebe pertinente liu-liu sai hanesan kontas ba valores sira justisa, sosial no direitu ema nian direitu.
“Ha’u fiar katak ita boot sira liu husi Konsellu Imprensa atu bele partilla ho ita boot sira liu husi vizaun no hanoin sira ne’ebe klaru iha enkuadramentu ne’ebe pertinente liu-liu sai hanesan ita nia kontas ba valores sira justisa, sosial no direitu ema nian”,Nia Informa
Media online Lafaek News antes ne’e mos hetan ona prémiu jornalismu da Paz Maria Gorette Joaquim tinan 2021 loron 28 Outubru ho kategoria media online husi obra jornalistiku ho titúlu ‘Tanba moras No lakon komunikasaun “Juvita” simu Demisaun husi komandu PNTL.
Jornalista : Clementina fátima
Editór : Orluli news
