Lian Orluli – Tersa ne’e Prezidente Konsellu Imprensa (CI, Sigla Portugés) sosializa informasaun kona-ba Papel Média iha komunidade no kooperasaun entre média ho parte relevante sira iha Ainaro atu bele hatene atividade jornalista sira nian iha espasu públiku tantu atividde ofisial sira, nune’e mos bele konsidera informasaun sira ne’ebé públika kona-ba atividade hotu ne’ebe akontese, tanba komunidade presiza hatene informasaun sira kona-ba dezenvolvimentu sosiu-ekonómiku, nune’e Otelio Ote esplika
“Konsellu Imprensa, Orgaun independente, regulador ba meius komunikasaun Sosial inklui Jornalista sira, ami halo vizita ba Munisípiu sira, hasoru Presidente Autoridade no mós Média sira atu halo kona-ba saida mak dezenvolve média iha Munisípiu sira ne’e, ami hare’e iha Ainaro nia progresu diak tanba média no jornalista sira ejiste nafatin, iha Radio komunidade, Média Lian Orluli, destakadu iha ne’e kontinua funsiona hanesan babain, autoridade sira hakarak média aumenta nia papel iha kontribuisaun iha publikasaun ba progresu dezenvolvimentu liu-liu iha Ainaro kona-ba setor turizmu, hanesan teritoriu ida ne’ebé lokaliza iha rai klaran, iha dunik potensia turizmu barak entaun governu ida ne’e komprimisiu atu média sira fó tulun ba governu hodi promove Ainaro nu’udar rai ida ne’ebé iha potensia ba setor hotu maibé espesial ba turizmu nia“. Dehan Prezidente KI
Tanba ne’e nia husu Autoridade sira atu nafatin fo fatin ba media atu halo atividade jornalístiku, bainhira iha públikasaun senti ofendidu presija halo diretu retifikasaun ba notisia públikasaun
” Ami husu ba autoridade sir atu fo nafatin, espasu ba média sira atu halo kobertura, tenki garante ba sira katak Autoridade polítika sira, setor privadu ka riku na’in sira labele intervem konteudu Jornalístiku sira iha média ida-idak ka jornalista ida atu tuir fila fali Autoridade sira nia hakarak, la dun diak tanba situasaun komun iha média mak husik liberdade Imprensa la’o tuir nia regras rasik, se karik Autoridade sira senti iha média balun halo publikasaun balun ladún di’ak no la hato’o lia los bele konfirma liu husi direitu resposta,” Prezidente KI hatutan
Hafoin Autoridade másimu Ainaro Manuela Gergina Carmo Bucar, esplikasaun hirak ne’e, nia parte agradese ba média tanba bele promove ona beleza, inklui atividade hotu ne’ebe lao iha Ainaro durante ne’e
“Agradese ba Lian Orluli no RTTL.EP Radio Komunidade, bele ajuda ona hodi fó informasaun, no promove Ainaro ba Timor laran tomak inklui mós ba iha estranjeiru, tanba ita iha potensia barak ne’ebé mak presija ita esplora, halo investimentu, ba fatin atrativu sira, hanesan turizmu hodi dada ema mai koiñese di’ak liu tan beleza furak ne’ebé mak ita iha, maibé ami mesak sei labele halo buat ida sei kuandu la iha média, entaun média nia papel importante, halo Informasaun programa, no promove Ainaro ne’e rasik iha turizmu, iha setor hotu atu bele sama ema hotu nia atensaun mai iha Munisípiu Ainaro”. Dehan Autoridade ne’e.
Tanba ne’e nia sujere ba konsellu imprensa atu kria formasaun espesialidade ba fotografer atu bele foti fotografia ne’ebé furak, nune’e aumenta eskill média nian, fó informasaun posetivu, konstrutivu, edukativu hodi bele muda sosiedade nia hanoin, oinsá hola parte iha dezenvolvimentu.
Atividade surumutu partilla informasaun sobre papel média ne’e halao iha Salaun Administrasaun Munisipiu Ainaro
Alende ne’e kontinua Vizita Lian Orluli inklui Radio Komunidade Tatamailau Ainaro.
Jornalista: Sara Lewis/Celita
Editor: Lian Orluli
