Lian Orluli – Sexta ne’e ministériu edukasaun liu husi Diretor Jeral edukasaun ensinu pre-secundáriu ensinu báziku no ensinu rekorente hamutuk ho Prezidente Autoridade Munisípiu inagura eskola lima iha Ainaro
Diretor Jeral Edukasaun Pre-Eskolar Ensinu báziku no ensinu rekorente Apolinario Serpa Rosa Hateten tinan ne’e iha Ainaro edifisiu eskola sira balu finaliza ho diak no balu sei finaliza iha tinan oin tanba Ainaro iha edifisiu eskola sia maibe lima finaliza ona falta deit balun sei konklui iha tinan oin
“Ohin Ministru Edukasaun la marka prejensa iha ne’e tanba Ministra ba halo servisu iha Bobonaro portantu sua eselensia delega ha’u mai reprezenta hodi bele hamutuk ho Prezidente Autoridade hodi halo Inagurasaun ba eskola lima ne’ebé maka, konsege finaliza iha tinan ida ne’e, ha’u apresia tanba ha’u mak iha Munisípiu Ainaro inagura dala rua reprezenta sua eselensia Ministra iha fulan juñu ha’u hamutuk ho sua eselensia Diretor, Supertendente hodi inagura eskola haat iha tukaro, ohin hetan tan oportunidade hodi mai inagura tan eskola lima, Ainaro mak finaliza projetu ne’e tuir tempu, maibé Munisípiu seluk seidauk halo, Ainaro ba tinan ida ne’e hetan Edifisiu 9, mak implementa ho di’ak, maibé eskola haat tan mak sei mai iha tinan ida ne’e mak la konsege sei ba tinan oin, ita bele halo Inagurasaun tan, no ita presija aumenta tan eskola tanba estudante barak mak sei tur de’it iha rai, Iha Ainaro mak iha postu Hato-Builico, no Ainaro vila rasik, mak seidauk apropriadu hodi labarik sira halimar, eskola ne’e iha loos dalan ninin, iha sorin-sorin komunidade nia uma, sala tolu ne’ebé mak ita nia oan sira eskola estudante besik 200, maibé sira turnu ida de’it tanba labarik sira mai husi fatin ne’ebé mak dook, maibé infra-estrutura edukativu ne’e mak importante, no Edifisiu ne’ebé mak ohin ami mai fó bensa tuir lolos ne’e fatin ida ne’ebé sagradu kuandu ema matenek sempre liu husi eskola no sempre liu husi fatin ida naran eskola nia sagradu ne’e hanesan mós igreja tanba eskola ema barak sai husi ne’ebá maibé la dun respeita, ha observa eskola kuartu montaiñas la iha pinta ruma iha nia paredi sira, ne’e hatudu katak jestora ne’ebé mak ukun eskola ne’e diak apresia no agradese ba Diretor antiga, no Diretor atual bele mantein ho situasaun ida nee hodi fó orientasaun ba sira nune’e eskola sira bele funsiona ho di’ak no mós seguru tuir buat ne’ebé mak ita hakarak“. Dehan reprezentante Edukasaun ne’e.
Tanba ne’e nia mos subliña rai balu ne’ebe atu konstroi edifisiu eskola maibe dau-daun ne’e sai disputa
“Ami rekomenda de’it ba Presidente Autoridade Munisípiu Ainaro no Diretor Edukasaun kona-ba rai ne’ebé mak uluk Konstrui eskola EB númeru 2, ne’ebé mak uluk Indonézia nia tempu halo hela depois de ita ukun aan tia rai ne’e sai hanesan disputa tia, tanba projeito iha ona heina de’it atu halo tanba fatin la iha entaun sei supende fali”, Dehan nia.
Alende ne’e Prezidente Autoridade Munisípiu Ainaro Manuela Georgina Carmo Bucar Corte-real Agradese direjente sesante tanba inisia projetu to’o hamutuk fila fali ho dirijente foun.
” Agradese wain Diretor sesante ho ita bo’ot sira nia esforsu maka inisia projeitu ne’e ikus mai diretor atual ohin ami mai ita hotu bele Inagura tan eskola lima, ita hare’e ba realidade Ainaro nian prioridade ida maka ita tau edukasaun, tanba importante tebes hodi prepara ita nia oan sira sai matenek ne’e liu husi edukasaun, agradese mós ba Profesór sira, tanba liu husi ita bo’ot sira mak ohin ha’u hamrik hanesan prezidente autoridade iha ne’e fatin ida ne’e, maibé Profesór sira bele diak maibé fasil idade la di’ak mós hanesan de’it, agradese wain tanba ohin bele hetan tan eskola lima, iha Ainaro, no Hato-Udo, atu bele ajuda ita nia oan sira, tama iha sala ne’e mais ou menus labele ema barak liu, tanba tuir regras ne’e iha 30 pessoas nune’e bele fó biban ba ita nia Profesór sira, hodi hanorin ho diak ba ita nia oan sira, no ita presija tau atensaun maka refektoriu, Mereñda eskolar tenki tau atensaun mós ba dapur hodi buka maneira kria kondisoens iha eskola ida tenki fasilidade.“Prezidente autoridade munisípiu Ainaro ne’e hakotu.
Eskola lima ne’ebe mak inagura, EBC Kuartu Montainhas, EBF Pader, EBF Telecom, EBF Cassa no EBF Luru. Iha Posto Administrativu Ainaro no Hato-Udo.
Jornaliata: Sara Lewis
Editor: Lian Orluli
