Lian Orluli— Membru PNTL Agente Xefe Julio de Jesus, kondiasaun lanu, halao agresaun fíziku ba sidadaun Negosiante ida iha Merkado Maubisse la ho Rajaun, dadaun ne’e prosesu ona iha Investigasaun Nasional
Ba Jornalista Lian Orluli Comandante Comando PNTL Superentendente Paulino Carmo Pereira, munisipio Ainaro informa Membru PNTL Julio de Jesus ho farda Kompletu halo agresaun Fíjiku ba sidadun negosiante ida iha menrkadu Maubisse dadaun ne’e iha ona prosesu investigasaun.
“Ba kazu Agresaun fiziku husi Membru PNTL Ajente Xefe, Julio de Jesus halo agresaun fíjiku ba Sidadaun negosiante iha merkadu Maubisse, dadaun ne’e iha ona prosesu investigasaun nia laran,” Comandante Comando PNTL Superentendente Paulino Carmo Pereira, hateten liu husi Via telefone ba jornalista Lian orluli
Relosiona ho kaju ne’e, Tuir sasin Joni Barreto haktuir kronolojia husi akontesimentu ne’e bainhira, nia ho kolega tula hela fos ba kareta, derepenti Membro PNTL ne’e, lahatene husi ne,ebé ho kondisaun Lanu, hakbesik no bolu ajudante ne’e tun husi kareta atu baku, maibe nia Parte lahatene Motivu husi Atitude PNTL ne’e, nune nia tun husi kareta hodi hases an husi Membru PNTL ne’e.
“ Hau ho kolega tula hela fos ba kaeta, derepenti deit membru PNTL ne’e la hatene’e mai husi ne’ebé katak mai atu baku hau nia kolega ne’e, maibe’e bainhira nia koalia mai ho iis mesak tua deit, tanba ne’e maka hau nota katak nia ho kondiasaun lanu, depois nia halo asaun ne’e la hatene nia motivu saida,” Joni Barreto hanesan sasin haktuir, iha merkado Maubisse vila (09/04/23)
Alende ne’e Vítima Saturlino Soares hatutan, nia parte lamenta tebes ho atutide Menbru PNTL ne’e tanba negosiante ho nia ajudante sira la halo sala ruma kontra membru PNTL ne’e Maibe Membru PNTL refere, Kontinua hatudu nia atitude ne’e hodi Baku Vítima Saturlino Soares iha Merkadu to iha Eskuadra PNTL Postu Maubisse, hafoin negosiante ne’e ho nia Ajudante sira tula hela Fos ba Kareta truk Kamioneta ida.
“ Hau hatun dadaun hela foos husi kareta truk ne’e, derepenti deit membru PNTL ne’e mai bolu hau ho lian siak loos no baku hau, tanba ne’e hau tun husi kareta lao ses tia husi nia, no mos nia hakilar hau ne’e la hatene motivu saida?,” Saturlino Haktuir
Akontesimentu ne akontesese iha Loron sia Fulan abril Domingu foin lalais ne’e, mais ou menus iha oras tuku tolu lorokraik iha Merkadu Maubisse, Iha ne’ebé Membru PNTL ida hemu lanu ho farda kompletu Halo agresaun Fiźiku hasoru negosiante Bisnis fan fos.
Editor: Lian Orluli
