Lian Orluli— Terca-Feira, 19 de Agostu 2025, Veterano Sebastião Castro Pereira kódigu “KAKATUA” Forsa Armada Libertasaun Nasional Timor-Leste (FALINTIL) mak hanesan Lutu ba Nasaun Timor-Leste Husu Nafatin ba F-FDTL, Nafatin Iha sentidu Parteotismu ba Nasaun RDTL nune’e kontinua nafatin ezistensia FALINTIL nia luta.
“Hanesan Veteranu ha’u senti Orgulhu no Ondradu tebes, ohin bele halo Tinan 50 hodi hanoin hikas kona-ba Ezisténsia FALINTIL nia Luta, tamba ne’e husu atu tinan tinan ita bele selebra loron Komemirasaun FALINTIL, no husu nafatin ba F-FDTL sira atu brani nafatin, imi nia esistensia ne’ebé mak iha kontinua nafatin atu nune’e bele lori Nasaun ne’e ba oin, tamba ita boot sira mak habesan Lutu ba Nasaun”. Dehan Veteranu Kakatua
Membru Konselho Munisípiu Ainaro, Sebastião Castro Pereira hanesan mos veteranu ho kodigu “KAKATUA” Senti Kontenti tamba, governu bele selebra loron aniversariu ezisténsia FALINTIL ba dala 50,hanesan konsiderasaun bo’ot ondradu ba Martires ne’ebé oferese ona sira nia isin hodi liberta ita nia Nasaun sai hanesan Nasaun RDTL.
Reprezentante Xefe Estadu Maior General Forsa Armadas Tenente General Falu Rate Laek, Adjuntu xefe Estado Maior F-FDTL, Coronel Renilde Guteres Corte-real Silva, iha nia diskursu Selebrasaun ne’e laos deit atu reflete pasadu komum, maibe atu hafoun faktu valor ne’ebé fó sentidu ba prezenti no trasa lalaok ba futuru.
” Ohin selebra Aniversariu kriasaun FALINTIL nian ba dala 50, ne’ebé sei selebra formalmente iha loron 20 Fulan Agostu tinan ida ne’e, ita halibur malu laos de’it atu reflere pasadu komum, maibe atu hafoun faktu valor sira ne’ebé fó sentidu ba ita nia prezenti no trasa lalaok ba ita nia futuru.” hato’o iha diskursu
Coronel Renilde hatutan “Timor oan sira habelar dame, signifika kontribui ba saida mak diak liu mak ita nia prinsipiu ne’ebé metin, esperiensia atu ultrapasa obstaklu, no konfiksaun katak la iha ema ida mak moris iha izolamentu, memoria sira lao la ho odiu ka vingansa mak fini dame nian edukasaun ou valores mak garantia ba futuru, FALINTIL laos deit kapitulu ida iha livru hustória nian, maibe vervu ida iha tempu prezenti.“
“Sidadaun ida idak no instutuisaun ida idak atu halo kompremisiu konkretu mak atu promove lia los no respeitu diskursu públiku atu rejeita korupsaun no abuju poder, atu tau matan ba sira ne’ebé vulneravel liu, loron Falintil Forsa Defesa Timor-Leste (F-FDTL), ha’u afirma ita mak guardiaun ohin no ba nafatin ba ita nia soberania servidor ba lei no portador dame nian.” dehan Coronel ne’e
Entertantu iha serimónia komemorasaun ne’e Prezidenti Autoridade Munisípiu Ainaro, Inspetór da serimónia ho estrutura, Adjuntu Xefe Estadu Maior F-FDTL, Amo Paroko Ainaro, Komandante Komando PNTL, Veteranus/as, reprezentante Secrerária Estadu Igualmente, SEI, Diretor Jeral SEI, Diretor servisu Munisípal, Adminustrador Postu Adminustrativu haat,Funsionariu Públiku, no partisipasaun masimu husi Estudante Munisípiu Ainaro.
Jornalista: Luçiana Reis da Cruz
Editor : Clementina Fátima
