Ainaro Lian Orluli— Diretór Jestaun Merkado Munisipio Ainaro, Clementino de Araújo informa kondisaun Merkado Ainaro Vila la Higene, tanba laiha bee mos no haris fatin.
Tersa feira ne’e ba orluli news, Diretór Jestaun Merkado Munisipio Ainaro husu ba Governu Sentrál atu preve orsamnetu iha tinan 2023, hodi bele hadia fasilidade merkado Ainaro Vila ne’ebé iha kondisaun la hijene tanba kanalijasaun bee mos ba haris fatin sira aat hotu ona no foer burado tanba laiha bee.
“Responsabilidade kazu ida ne’e tinan ida ona ha’u Lamenta teb-tebes tanba negosiantes merkadu munsipiu Ainaro iha merkadu ne’e rasik la saudàvel para atu bele akumula ita nia vendedor sira, ha’u mai halo ona jestaun dala hira ona iha ne’e halo muda sira tuir ida-ida nia valkaun maibe kondisaun la saudàvel tamba falta de ahi enerjia eletrisidade laiha. ha’u halo tiha ona proposta ba iha Administrasaun no mos ba iha EDTL, maibe seidauk responde tan ne’e sei hein ba prosesu tinan oin”. Hateten Diretór Jestaun Merkado, Munisipio Ainaro.
Iha fatin hanesan negosiante Umbelina Almeida no Carlota de Lima husu ba Governo atu kanalija bee moss ba merkado nune’e bele uja ba nesesidade, nune’e mos hadia merkado Ainaro diak liu.
“ita hare’e merkadu kuandu sabraut hanesan ne’e ladi’ak, hotu-hotu tenki fa’an iha uma merkadu laran para modo ne’ebe fa’an ami fase tula mo’os ho di’ak, husu ba bo’ot sira liu-liu hadia fatin hodi tula produtu sira nune’e ami labele nahe terpal mak hodi fa’an iha rai se lae hotu-hotu fa’an de’it iha rai-laran mak barak ne’e ladun mo’os duni tamba fa’an de’it iha rai laran “. hateten Umbellina AlmeidaUmbelina Almeida
Habitante Cralota de Almeida mos hatutan tan “Ami fa’an modo be’e mo’os laiha, Ahi (Eletrisidade ) mos hanesan laiha ami mak dada rasik depois atu fase modo ba fa’an be’e mos araska hela, no a’at liu barak mak fa’an hotu iha liur entaun ami ne’ebe fa’an modo iha merkadu laran modo sira ne’ebe ami fa’an ne’e estraga hotu de’it”. hatutan Carlota de Lima
Enkuanto Merkado Munisipio Ainaro harii iha tinan 2008, ne’ebé akomula negosiante Ainaro, Zumalai Munisipio Covalima, Bobonaro, Inklui negosiante Atsabe Ermera.
Editor : Orluli news
