Ainaro Lian Orluli— Ministério Defeza F-FDTL Sensibiliza partisipasaun Feto iha vida Militár iha munisipio Ainaro
Ba jornalista Orluli news kinta feira ne’e(16-11-2022), Xefi Departementu Analiza Dezenvolvemento Forsa, Arsenia Lucia da Costa Pinto de Araujo hateten, polítika Ministèro Defesa nian hare Liu ba partisipasaun feto iha vida militar nian menus tebes.
“ Ami hare partisipasaun feto ita hare’e mihis tebes iha vida militar, tamba ne’e Ministèriu defeza nia politika Hala’o Sensibilizaun ida ne’e ba iha Municipio hodi nune bele enkorajasira hotu liuliu ba juventude feto foin sa’e Sira oinsa ,Feto sira bele partisipa hodi tama iha vida militar nian la’os mane de’it mak bele konkore maibe ba feto feto mos bele, tamba ne’e atividade Sensibilizasaun ne’e agora la’o no durante ne’e hala’o ona iha Municipio balun viqueque, Baucau, Suai, inklui Municipio Ainaro, nomos ami sei kuntinua ba iha Munisipiu seluk tan ba iha Munisipiu Aileu, Maliana, inklui Rae-oa Oecussi,”. Hateten Xefi Departementu Analiza Dezenvolvementu Forsa, Arsenia Lucia da Costa Pinto de Araujo ba jornalista Orluli hafoin halao sensibilizasaun.
Arsenia mos enkoraja ba juventude feto hotu, atu labele lakon vontade hodi Partisipa iha vida militar nian no nia husu labele dùvida hodi ba Konkore iha vaga militar iha ministèriu Defeza tinan tuir mai importante mak hanesan juventude ne’ebe di’ak tenke Prepara an, liuliu tenke kuidadu saùde.
Iha Sorin Seluk Rubelia Filomena tilman Barros hanesan Partisipante husi Suku Manu-tasi postu Administrativu Ainaro hateten nia senti orgulho tebes ho atividade sensibilizasaun ida ne’e tamba bele fo konesementu ba sira no bele halakon sira nia dùvida ne’ebe Limita jovem sira bainhira hakarak atu konkore an iha vida Militar.
“ Hanesan juventude feto foinsae ida ha’u orgulho bele mai partisipa iha atividade sensibilizasaun ne’e, tamba ne’e hanesan informasaun ne’ebe interesante tebes hodi hatene konaba lala’ok militar nian,nune’e ami bele prepara dokumentus no mos prepara an ho di’ak liu tan tuir kritèria sira ne’ebe mak ohin partilha ona husi Ministèriu Defeza, atividade sensibilizasaun ne’e importante tebes ema barak presiza hatene konaba lala’ok sira ne’e nune’e labele mosu dùvida, tamba barak mak lori dokumentus ba konkore tan menus informasaun sira hanesan ne’e mak ikus hodi mosu deskomfia ba malu katak iha vaga nia laran sempre uza sistema familiarismu,Sukuismu uo ka iha kores oin-oin mak iha ne’ebá, tamba ne’e rekomenda ba Ministèriu Defeza atu kontinua atividade sensibilizasaun ne’e ba mos iha munisipiu seluk ne’ebe sedauk sensibiliza”. Katak Rubelia ba Jornalista Orluli
Enkuanto iha Atividade Sensibilizasaun ne’e partisipa màsimu juventude feto munisipio Ainaro, Postu Administrativu Ha’at ho total partisipante hamutuk 95,partisipante Feto 82 mane 13, no aktividade ne’e halao perante loron ida iha salaun enkontru Administrasaun Postu Ainaro villa.
Jornalista: Norvia/uca siva
Editor : Orluli news
