Lian Orluli – Tersa feira ne’e, Ministeriu Justiça no Komisaun Luta Anti Tráfiku Umanu (KLATU) sosializa Dekretu lei no.9/2021 kona ba papel komisaun Luta Anti Trafiku Umanu (KLATU) ba autoridade Munisipiu Ainaro oinsa halo prevenesaun ba trafiku Umanu tanba ikus-ikus ne’e maioria foinsae sira ba buka servisu iha nasaun seluk.
Iha durante nia diskursu, Ministro Justisa, Dr. Amandio de Sa Benevides, hateten deziminasaun ne’e hodi aumenta koiñesimentu ba autoridade sira atu bele habelar informasaun ba juventude sira liu-liu foinsa’e feto sira ne’ebé iha interese buka servisu iha nasaun seluk nune’e labele monu ba lasu tráfiku umanu.
“Joven sira ne’ebe mak hakarak ba halo servisu no buka servisu hodi nune’e labele monu ba iha trafiku Umanu no mos servisu laboral nian, feto sira balun servisu hanesan atan no servisu la tuir saida mak promete ona ho sira tantu iha rai-liur no rai-laran liu-liu iha munisípiu sira”. Ministro Justisa IX Governu nee informa asuntu ne’e ba autoridade sira iha Administrasaun Munisípiu Ainaro segunda ne’e (28/08/2023).
Governante ne’e hatutan, Lei Tráfiku Umanu ejiste iha tinan 2017 hodi dezenvolve lei trafiku Umanu, tanba nia parte observa akontese ona iha Nasaun sira seluk.
“ Lei Trafiku humanu ejiste dezde tinan 2017 maibe agora tau ona medidas iha asaun hodi dezenvolve trafiku umanu atu labele akontese no agora dadun balun akontese ona iha Portugal, Alemanha, hanesan ajensia sira lori sidadaun sira ba soe hela iha ne’ebá tanba ne’e komisaun KLATU servisu hamutuk ho agensia Internasional hodi hodi buka meius oinsa, atu bele lori fila ita nia sidadaun sira ne’ebé mak agora dadaun iha hela Alemanha no Portugal”.
Entertantu deziminasun ne’e hanesan parte ida importante no sai hanesan vizita dahuluk Ministru Justisa nian ba Munisipiu hafoin simu pose iha fulan Julu 2023.
Aktividade Sosializasaun ba Dekretu Lei nee ne’e akompañamentu husi Prezidente KLATU, Diretora JSMP no partisipasaun masimu husi autoridade Munisipiu Ainaro, autoridade Seguransa PNTL, Diretores liñas Mimisteriais, Lideransa Komunitariu ne’ebe kompostu husi Postu- administrativu haat iha Munisipiu Ainaro.
Jornalista : Sarah
Editor: Lian Orluli
