Dezenvolvementu emosional ba labarik sai hanesan ponta de lança, hodi termina karakter, valor, no hahalok iha future oin mai. Dezenvolvementu emosional ba labarik, sai hanesan dezenvolmentu ida ne’ebe obriga atu atende ho espesifik, tamba dezenvolvementu emosional ba labarik tenkiser didika hahu kedas iha tempu sei kikoan ou antes bebe, ka bele dehan iha tempu formasaun. Experensia social iha iniciu sai inportante tebes, tamba experensia social husi labarik maka termina personalidade labarik nian depois de nia sai maduro. Iha experensia barak maka ladun diak iha momentu sei hanesan labarik ka bebe sei hamosu impactu iha hahalok ne’ebe la saudavel husi experensia social labarik nian, ho experensia ida ne sei suporta labarik laiha social, kontra social, no halo labarik sai la fiar’an.
Husi matenek nain “Jhon W Santrock” hateten katak, kompetensia social labarik nian iha relasaun ho vida emosional Inan no Aman . Exemplo, Inan no Aman expressa emosaun ne’ebe posetivo iha kompetensia social ne’ebe maka altu, liu husi reaksaun labarik ho Inan,Aman maka labarik aprende hodi expressa emosaun ho diak.
Influencia familia uma kain iha formasaun no dezenvolvementu emosional sai inportante tebes. Factores barak iha familia ne’ebe halo influencia iha prosesu dezenvolvementu labarik nian, maka dezenvolvementu social emosional labarik nian ne’ebe iha ona formasaun husi ambiente familia inklui mos ambiente labarik hela ba. Hahalok ida ne sai hanesan lalenok ho modelu parental ba oan sira. Kada familia iha modelu parental e certu. Sorin seluk, inan aman iha dever atu luta hodi hili edukasaun no hodi hetan informasaun kona ba dezenvolvementu edukasaun labarik sira nian. Modelu parental inan no aman iha influencia inportante kona ba dezenvolvementu emosaun labarik nian. Iha ne’ebe dezenvolvementu emosional sai hanesan factores ne’ebe mais dominante hodi influensia sucesu iha tempu future oin mai.
‘’Entendementu Modelu Parental husi Inan no Aman’’
Modelu no Parental Mai husi palavra rua mak hanesan : Modelu, Maneira, ka sistema.
Maneira servisu, forma (strutura) fixo. Ida seluk Parental, maka hanesan : Kuidadu (Taratamentu no dedikasaun) ba labarik kik ou sei bebe, orienta (ajuda, treinu nsst) lidera no organiza.
Maibe opiniaun husi especialistas Psikologia no Sosiologia hateten oin seluk. Modelu parental iha (Singgih D Gunarsa 1991) hanesan ilustração ne’ebe Inan no Aman sira uja hodi sai modelu (taratamentu, kuidadu, dedikasaun) ba labarik sira. Iha espesialista seluk sira fo opiniaun ne’ebe la hanesan, (Sam Vaknin 2009) expressa katak modelu parental hanesan “parenting is interaction between parent’s and chilldren during their care”.
Husi Entendementu sira iha leten maka fo conclusão katak modelu parental husi familia maka hanesan reaksaun Inan Aman no oan, iha ne’ebe Inan Aman sei fo apoio ba labarik hodi muda comportamentu, koinhesementu no valor ne’ebe konsidera maioria apropriado ba Inan no Aman ho nune labarik bele independente, buras no dezenvolver, iha maneira saudavel optimis, iha sentementu fiar’an, iha característica hakarak buka hatene, amigável no iha orientsaun sai sucesu.
Iha tipo oin-oin kona ba Modelu Parental Inan no Aman, Kada familia inplementa Modelu Parental ne’ebe diferente.
Em geralmente matenek nain husi Psikologia Dezenvolvementu ‘’ Elizabeth Bergner Hurlock’’ fahe tipo tolu kona ba Modelu Parental Inan no Aman.
– Modelu Parental Authoritarian (Otoriter)
Iha karacteristika obriga oan atu halo tuir Inan no Aman nia hakarak, kontrola comportamentu labarik nian la fo livre, fo sansaun fisicu ba labarik wainhira la tuir Inan Aman nia hakarak.
– Modelu Parental Authoritative (Demokratis)
Inan aman iha atensaun maximu ba nesesidade labarik nian, inan aman fo livre no iha responsbilidade, katak labarik bele halao aktividade no socializar ho ema seluk.
– Modelu Parental Permissif
Inan Aman fo tempu livre ba oan. La bebeik fo orientasaun no kontrola, atensaun mos advez menus. Labarik bele apriende buat barak, liu husi modelu parental ne’ebe hahu ona husi Inan Aman, inklui ona aprende iha personalidade.
Conclusão
Husi explicasaun badak ne’ebe hau hakerek iha leten, maka modelu parental Inan no Aman fahe ba tipo tolu hanesan modelu parental otoriter (Authoritarian), modelu parental demokratis (Democratie), no modelu parental permisif (Permissive).
– modelu parental otoriter (Authoritarian)
modelu parental ida ne ho karacteristika hafahe no punish , inan aman la kopera, inplementa regras ne’ebe rigido, barak mak manda oan no la fo opurtunidade ba oan hodi expressa opiniaun, that matter sai influencia ba labarik nia mentalidade.
– modelu parental demokratis (Democratie)
Modelu parental ida ne, labarik nain rua troka experensia no iha posibilidade atu apriende, labarik iha opurtunidade atu komunika no hanoin, apriende atu tau’an bai iha ema seluk nia fatin.
– Modelu parental permisif (Permissive)
Enquantu impacto husi modelu parental permesiv, modelu parental ne’ebe salienta iha pariental bele fo no hatudu affection ne’ebe diak no disiplina, ba oan sira ho nune forsa inan aman bele hetan husi oan. Tau prioridade uluk ba sentimentu oan nian, laos comportamentu, fiar’an liu, katak oan bele aranja nia an hodi halao nia moris.
Karik modelu parental ne’ebe inplementa ba husi Ina Aman ne posetivo makai ha impactu ne’ebe sei mosu ba labarik mos iha posetivo, por entantu kontrariu karik inplementa modelu parental ho negative maka impactu ba dezenvolvementu emosional oan mos sei negative. Basicamente inan aman hotu-hotu hakarak sira nia oan sai diak liu husi oan sira seluk..
To iha ne lai, keta haluha fahe tutan ba kolega no familia seluk.
Se iha opiniaun ruma, bele husik hela iha coluna comentario…
Maka saran lian: JP. Ximenes
