Lian Orluli— Estrada diresaun Urahou Maubisse liga Turiscai Same Manufahi ho kilometru 12 sei realiza iha tempu badak tanba sei halo preparasaun tekniku, estrada ne’ebe dadaun ne’e halao hela preparasaun lansa ona iha loron kinta husi Ministru Obras Públiku iha Turiscai Manufahi
” Komunidade Turicai tomak Existensia iha ne’e tinan naruk governu ba governu, ita hotu hare katak estrada ida kleur ona seidauk hahu lansamentu, sofrementu ida ke, tinan naruk tanba ne’e mak ohin ho IX governu ita halo lansamentu Primeiru iha turiskai, no asina ona kontratu, maibe laos Turiskai deit, aban sei ba alas depois sei ba laklubar, depois sei halo preparasaun ba dezenho lospalos , Viqueque ,maibe ita hotu hatene katak fatin barak, estrada aat tebes, kuaze Tinan neen no hotu nia laran, ita nia dezenvolvimentu ho problema, fase plitika, Covid-19, kuaze dezenvolvimentu la lao, tanba ne’e mak ita nia estrada sira aat hotu, ponte kotuk, baleta sira aat hotu irigasaun,, tanba ne’e mak Agora dadaun ita hahu fali, tanba iha fatin ne’ebe mak imergensia mos la lao maibe ohin ita mai iha ne’e halo lansamentu ba projetu sira, no hanesan ita fo ondra ida ba ita nia fundador, ba ita nia Xavi,ita nia rai, ita hahu ida ne’e no ita sei ba mos Munisipiu sira seluk, orsamentu ita hahu fase Primeiru ho $ 3.4 mak depois mak dervisu barak iha ne’e dreinajen, alkatraun mai urbana, ho buat sira ne’e hotu, maibe importante mak husi Maubisse tama mai ne’e ita hahu, ne’e mak ohin ita asina ona kontratu,no fo tempu ba kompaiñia para fulan ida ne’e nia laran sira tenki hahu mobiliza ona ekipa hodi hahu ona servisu, dirasaun ba Konstrusaun tinan ida ho balun, no ita fiar katak fin de 2025 estrada Maubisse liga Mai turiskai bele finaliza ona, ho nia diatancia 12 kilo metro”. Ministro Obras Publiku Samuel Marcal hateten hafoin de Lansamento iha Posto Administrativo Turiskai Munisipio Manufahi, Kinta ne’e (13/06/2024). Dehan governante ne’e
Prezidente Autoridade Munisipiu Ainaro Manuela Georgina Carmo Bucar Corte-real Agradese ba Ministro Obras Publiku tanba bele lansa ona estrada refere hodi fasilita komunidade sira bele asesu ho diak movimentasaun no asesu ba merkadoria
” Agradese no kontente tebes sua selencia Ministro Obras publiku, mak ohin hakat mai direita iha Turiskai, parte Munisipiu Manufahi nian, maibe tanba ita boot sira labele tama Turiskai se wainhira la liiu husi Posto Administrativu Maubisse, maibe estrada ne’e importante ba ita, ajuda ita, kria konektividade ba ema no sasan sira tanba ne’e mak ohin ami hakat mai iha ne’e ho ami nia populasaun sira, suku lima, husi Posto Maubisse ne’ebe mak sei benefisia husi Projeito ida ne’e no sei muda sira nia moris sosial no Ekonomia, mivimentu kuandu sira nia produto kuandu ba Merkadu,” PAM Hatete
Enkuandu estrada refere utiliza orsamentu hamutuk dolar 3.4 Mill no sei realiza bainhira remata prepasaun dezeñu nune ekipa sira bele halao servisu.
Jornalista: Sara
Editor : Lian Orluli
