Lian Orluli – Vise Ministru Obras Públiku Julio do Carmo liu husi vizita servisu kinta ne’e iha Ainaro hodi observa no reavalia projeitu sira ne’ebe kompaiñia implementador asina kontratu iha tinan 2022 maibe to’o agora seidauk finaliza, tanba ne’e sei tau lista metan ba kompañia atu labele hetan tan projetu tuir mai, tanba tuir observasaun iha tereñu maioria seidauk atinje pursentu 100%, maske nune’e sei tolera hodi estende to fulan maio 2024
‘’Vizita trabaillu ne’e ho objetivu atu reavaliasaun ba kompaiñia ne’ebé servisu Ongoing (mangoiña) hela, atu kontrola no fó hatene ba sira kona ba projetub tinan 2022 ba kotuk seidauk finaliza , ita sei estende to’o fim de Maio, ida ne’e mak hau hato’o ba sira, to’o iha loron 30 fulan maio mak nafatin la finaliza, ita sei tau lista metan (Blacklist ) kompaiña atu nune’e iha mandatu IX governu, kompañia labele hetan tan Projeitu tanba ami hare iha tereñu katak projeitu balun tuir BOQ no Dezeñu no balun atinji ona 80% no 90 % maibe balun foi mak atinji 15% no 20 %, se lae osan ne’e fo todan ba ministeriu obras publiku atu tau osan ba buat seluk tanba osan ne’e barak mak sei taran hela iha Ministerio ne’e ho ida nee mak ami halo reavalisaun hodi kontrola hodi hato’o ba kontador sira hodi halo servisu nune’e iha tempu badak bele termina tuir kontrato ne’ebe iha’’. Vice Ministo Obras Publiku hatetn depois de Enkontru ho Kompañia implementador sira iha Salun VIP administrasaun Munisipio Ainaro kinta ne’e, (14/03/2024)
Tuir Diretor MOP Ainaro José Maria da Costa de D.E. Santos klarifika, iha Ainaro projetu iha tipu Rua maibe maioria seidauk finaliza no balu la asina kontratu tanba deskontente ho presu verifikasaun ne’ebe halo husi ADN
“Projetu iha Munisipiu Ainaro, ho nia parte rua, Estrada Rurais no Emerjensia, maibe pakote rua remata ona no Pakote tolu sei Ongoing hela no projetu balun atinji ona 50 % no balun seidauk atinji to’o 50 % Projetu iha munisipiu Ainaro iha parte rua mak ida projetu estrada rurais ho nia pakote 9, Segundu projetu emerjensia mai husi Osan ratifikativu 2023, hamutuk pakote lima, pakote rua mak remata ona , Pakote tolu agora dadaun sei Ongoing, Apoiu emerjensia ne’e ida mak asina kontratu, no Pakote rua mak seidauk asina kontratu ho razaun kompaiñia nain seidauk kontente ho presu ne’ebe mak ADN halo verifika projetu ida mak Maununo, no ida mak Bolmeta, husi komapiñia SIMBISA Unipessoal Limitada no SANRAIS ,maibe iha tereñu sira halo servisu nafatin, Vise Ministru deste Horbainrua husi Same hotu horseik hakat mai iha Ainaro iha posto Maubisse primeiru hodi ba haree direta projetu iha Horaikiik, depois ba iha postu Hato-Builico, maibe projetu balun mak atinji ona 50% no ida rua mak instala iha Bobe mak seidauk atinji 50% , ne’e iha problema boot tebes, maibe tuir vise ministru katak fim de maio tenki remata, se la remata mak sei hapara kontratu no kompaiñia tenki hetan lista metan”, dehan Diretor MOP Ainaro iha enkontru ne’e.
Tanba ne’e nia promete prontu sei kopera ho kompaiñia implementador sira atu bele finaliza lalais projetu anterior ne’ebé dadaun sei lao iha tereñu molok to’o loron ikus fulan Maio tinan ne’e, 2024
“Ami husi Obras publiku Munisipio Ainaro atu tenta kopera diak ho sira atu nune’e sira bele atinji 90%, antes fulan maio nia laran tuir orientasaun husi Vise Ministru ami prontu karik ita boot sira presija ami iha tempu loron ka kalan ita boot sira presija ami tenki iha ne’eba hodi akompaiña sira tanba kestaun tempu ne’ebe mak badak tebe-tebes ba sira, ami iha obstaklu boot ida mak tempu agora udan, no transporte mos limitadu tebe-tebes nee mos prontu orientasaun husi ami nia superior ami prontu halao’’. Nia hakotu
Projetu anterior iha Ainaro kompostu husi estrada rural, pakote emerjensia ne’ebe dadaudan ne’e sei lao iha tereñu mak hanesan iha Maubisse Hato-Bulico inklui iha Ainaro
Jornalista: Lian Orluli
Editor: Lian Orluli
