Lian orluli-06-07-2022- Mota Olotal Aldeia Ramelau-Aimorbada suku Foho Ailiuco postu administrativu Hato-Udo, munisipiu Ainaro sobu uma kain hamutuk 6 hetan estragus total hafoin udan dezde loron 27 fulan Junu too agora.
Dezatres husi natureza ne’e kauza mos populasaun uma kain nain 6 ne’ebé hetan estragus total enfrenta mos hamlaha tanba aihan seguransa bee sobu no lori hotu ba mota.
“ komesa udan durante ne’e ami nia uma be’e tama husi mota olotal, hahan sira ne’ebe rai rejerva estragus hotu, durante ne’e ami labele asesu ba merkadu hodi sosa hahan ruma ba konsumu tamba dalan ba merkadu betanu nian be sae, nune’e mos dalan ba Hato-udo nian”. haktuir Marcelino ba lian orluli, kuarta (24/06/2022).
Tuir abitante aldeia Raimelau ne’e katak ba da-daun vitima uma kain 6 moris iha situasaun sofrimentu tanba hela iha tahu-laran no konsumu de’it hudi matak hodi aguenta moris.
“ Durante b’e tama ami nia hahan sira estragus hotu susar tebes ba ami atu asuseu ba merkadu, no agora dadaun ami konsumu deit hudi atu bele aguenta ami nia moris,’ Marcelino relata.
Directur MSSI Munisipio Ainaro Armando Amado, Hatan ba preokupasaun komunidade Ramerlau Macelino katak hetan ona inforamasun maibe oras ne’e dadaun fos iha armagen sedauk iha no segunda sei ba halo komfirmasaun iha dirasaun nasional Dili Hafoin bele responde
“ita halo ona komfirmasaun, oras ne’e dadaun Fos iha Armagen sedauk iha no segunda sei ba halo komfirmasaun iha dirasaun nasional Dili, no husu ba komunidade sira agora dadaun atu bele aguenta oituan hodi hein ajuda husi MSSI Ainaro”. hatan Directur ne’e ba jornalista lian orluli iha nia knar fatin liu huis Via telephone.
Informasaun ne’e jornalista lian orluli simu husi kontributor Valdamiro Mirna. dezastre natureza ne’e iha bairu Aimorbada Aldeia Raimerlau suku foho Ailico, populasaun hamutuk 200, uma kain 6 maka afeita husi mota olotal tanba bee tama uma no estraga sasan uma laran durante iha tempu udan.
Editor : lian orluli
