Lian Orluli— komfruntu ne’ebé akntese iha loron 11 novembru 2023 foin lalais iha Salaun Paroquia Ainaro, rejulta motor beat mutin ida ho xapa matrikula S.0230 lakon, inklui mos dokumentus motor no seluk tan to agora sedauk hetan.
Lia hirak ne’e hato’o husi Komandante Trànjitu Munisípiu Ainaro Sarjentu xefe Marito Coelho, ba lian orluli katak, motorizada ne’e lakon iha Loron 11/11/2023 foin lalais ne’e, mosu konfrontu ida iha Ainaro no dadaun ne’e halo hela pasa revista veíkulu sira maibe seidauk hetan
“ Iha Ainaro motor ida lakon iha salaun paroquia ninian no mós motorizada lakon maibe ami buka tuir durante ne’e sedauk hetan, tanba ne’e mak ami chek point agora ita sei aselera para ne’e aumezmu tempu atu normaliza movimentu víatura sira iha dalan públiku”, sarjentu xefe ne’e dehan hafoin halo pasa revista iha segunda feira (20/11/23)
Alende pasa revista ba veíkulu sira hodi buka tuir motorizada refere, rejista mos veíkulu sira ne’ebe nain lakoi halo renovasaun ba dokumentus, dokumentus la kompletu, la uza kapaseti, kontra sinais tranzitu sei aplika koima hanesan sansaun ba infrator sira
“Ita konsege prende motor víaturais 9 kompostu husi kareta1 motor 8 husi motor ka vetura 9 ne’e ita konsege prega koimas total atus rua ne’en nulu resin ha’at dolar amerikanu, $ 264, husi ema nain sia ne’e ema nain ida selu ona total nia koima dolar sanulu resin rua amerikanu no ema nain ualu sedauk selu ita sei hein, depende sira fo tempu, ba sira durante loron sanulu resin lima atu bele kompleta koima”, xefe tranjitu Marito dehan
Nune’e nia hatutan tan “Infrasaun ne’ebe mak baibain sira komete sira nia inspeksaun ne’e liu tia ona prazu maibe la ba halo renovasaun aumezmu tempu balu la lori dukumentus, ida ne’e mak barak liu ita detekta iha tempu chek point ne’e iha objetivu rua ida mak atu hare’e dokumentu sira iha ka laiha, sé iha karik nia inspesaun sira ne’e sei moris ou nia data liu tia, ita mos pasa infomasaun ba motorista sira oinsa mak kondúz veíkulu iha dalan públiku atu respeita sinais tranzitu sira ne’ebe mak monta tia ona iha dalan no iha vila, nafatin ita fo infomasaun ba ita nia motorista sira liu-liu motorizada tanba asidente ne’ebe akontese bebeik iha Ainaro dala barak ita identifika kauza husi asidente ne’e ulun kanek ou kanek todan ne’e tanba la uza kapaseti entaun ita informa ba sira oinsa atu uza kapaseti tanba kapaseti ne’e maka bele salva ema nia ulun bainhira hetan asidente ruma.” nia hakotu
STJ: Hanya
Editor : Lian Orluli
