Lian Orluli – Ministériu Saúde liu husi Programa Tuberkuloze Nasionál apoiu ekipamentus rais X ida ba sentru saúde Munisipiu Ainaro, hodi halo tratamentu ba ba Pasiente ne’ebe sofre moras Tuberkuloze TB
Tuir Xefe Programa Tb Nasionál Costantino Lopes eplika apoiu ekipamentu ne’e hodi bele halo redusaun ba moras Tb tanba kada tinan kuaze ema rihun mak sofre ba moras tuberkuloze
“Apoiu ekipamentus rais X mai iha Munisípiu Ainaro, tanba ita nia governu anterior nia kompromisiu atu hapara moras Tuberkuloze tuberkuloze iha Timor-Leste, liu husi apoiu ekipamentu ne’e hodi fó atendementu ba komunidade sira, detekta sira nia moras, funu hasoru moras Tuberkuloze TB ,Timor Leste bazeia ba estimasaun ne’ebé mak iha kada tinan tinan ema 6 Mil ital mak sofre ba moras TB , 1 .200 mak lakon vida ,tanba balun mai ho garve ita foin detekta, balun iha de’it uma to’o mate, maibé ema ne’ebé mate iha ami nia liman laran ne’e hamutuk 200, apoiu ekipamentu hodi halo teste diagnósa iha munisípiu Ainaro hamutuk rua ida iha Hospital Referal Maubisse no ohin ita apoiu tan ida iha Sentru Saúde Ainaro, hodi halo diagnósa, ekipamentus ne’e teknolójia ita bele lori lao, ita tenki lori saúde besik ba Komunidade”. Xefe Programa TB Nasionál ,Constantino Lopes dehan iha Lansamentu ekipamentu ne’e
Alende moras tuberkuloza, Diretor Saude Munisipiu Ainaro Benedito Mendonça Dos Santos mos esklarese iha Ainaro moras ispa mos sae a’as inklui tuberkuloza, tanba ne’e nia parte sei halo promosaun ba funsionariu sira hodi uza ekipamentu refere ba atende pasiente sira nebe sofre moras
“ Problema Saúde iha Munisípiu Ainaro a’as tebe-tebes liu-liu iha moras ISPA, liu husi moras ne’e ita bele dekta moras TB, agora dadaun ita rejista moras TB ho totál 120 pesoas, Agora dau-daun ita nia ekipamentu ba teste diagnósa to’o ona iha Munisípiu Ainaro no ida iha Hospital Referal Maubisse, atu hafasil ita komunidade sira iha Postu Administrativu Hato-Udo, Hato-Builico no Ainaro rasik, husi ami nia parte sei halo promosaun, no formasaun ba pesoal saúde sira nune’e bele halo tratamentu di’ak liu tan ba ita bo’ot sira”. Dehan Jerente Saúde Ainaro ne’e.
Enkuantu, Ekipamentu Refere Hanesan hanesan tegnolojia moderna hodi troka mikrokopiu hodi halao atendimentu ba pasiente neebe sofre moras tuberkuloze
Tuir dadus ekipamentu neebe halo diagnosa ba moras tuberkuloza hamutuk sanulu resin ida kada ekipamentu ho folin 40.000.00
Jornalista : Sara Lewis
Editor: Lian Orluli
