Lian orluli-21-07-2022- Ministériu Saúde (MS), Odete Maria Freitas Belo, informa munisipio Ainaro hanesan fatin komemorasaun loron saúde nasional ba dala-8 atu rona aprezentasaun atividades ne’ebe durante ne’e saúde munisipio Ainaro infrenta liu-liu iha parte saúde no unidade saúde iha familia.
“selebrasaun loron saúde nasional kada munisipio hotu selebra iha nia fatin, la siginifika munisipio hotu mai, no ami deside ona iha Ainaro maka fatin ne’ebe deside ona hodi komemora loron saúde nasional, iha loron segunda no tersa maka atividade sira balun hala’o ona, maibé ohin loron iha atividade ida importante maka aprezentasaun atividade ne’ebe durante ne’e infermeiru no médiku sira halo ona kona-ba saúde no familia, no aprezenta os inovasoen sira ne’ebe ministerio sira iha liu husi diresaun jerál prestasaun saude nian kona-ba unidade saúde no familia,’’ Dehan MS Odete.
Atividade diagnostico partisipativo ba komemorasaun loron nasional saúde nebe halao iha munisipio Ainaro no atividades refere partisipa másimu hosi delegasaun saúde sira hosi munisipio tolu hanesan Manufahe ho Ainaro, no iha aberturaba atividade diágnostiku partisipativi ba komemorasaun loron nasional saúde ne’e prense ho atividade oin-oin ne’ebé hahu kedas iha loron Tersa feira semana ne’e, no ohin kontinua mos aprezenta kona-ba diágnostiku partisipativu no saúde no familia.
‘”Durante ne iha lei no mos ami nian manual koalia kona ba unidade saude na familia, maibe ami sedauk iha klareja ida oinsa atu implementa maibe ohin liu ho aprezentasaun ne’ebe mak iha pronto, ami mos agradese ba ami nia parseiru sira ne’ebe mak durante ne’e apoio ona ami iha tempu covid-19 nian, apoio vasina, apoio ekipamentus mediku, uma no mos buat hotu ne’ebe apoio ona mai ami durante tinan rua nia laran, pronto liu husi komemorasaun loron saude nian ne’e ami uza mos tempu ne hodi hatoo ami nia apresiasaun no agradesimentu ba sira nia servisu,’’. Ministra Odete sublina.
MS Odete akresenta, kona-ba preukupasaun rekursu humanu iha servisu ministéru saúde nian parte sei servisu hamutuk ho universidade rai-laran hodi bele produs médiku sira ne’ebe ho kualidade hodi bele servisu iha ministériu saúde nune bele halo susese ba servisu ministeru refere planea ona.
Tuir nia katak, Ministeriu saúde iha ona planu, maibe sei infrenta hela problema iha parte rekursus humanus nian, mil e tal pessoas ne’ebe remata ona kontratu, ikus kontinua fali no iha ema barak la satisfaz, maibé ida ne’e seidauk sufisiente no mos seidauk too hodi presta servisu iha sistema saude nian.
‘’Hosi postu saude barak ne’ebe mak loke ona maibe ho planu pakote esensial nebe ita iha presiza mediku ida,enfermeiru ida, parteira ida, tekniku nst. no planu ne presiza servisu hamutuk mos ho universidade mediku sira hodi forma nune’e bele prense fasilidade saude sira.
Entertatu atividades ne’e hala’o mos aprezentasaun kona-ba rezultadu situasaun saúde iha munisipio Ainaro no Manufahi ne’ebe aprezenta hosi kordenador SnF ho ekipa inklui mos kordenador hosi SnF hosi munisipio Maunufahi.
Editor : Lian Orluli
