Ainaro Lian Orluli-19-09-22- Sentru Solidaridade Sosiál munisípiu Ainaro (MSSI) desaimina informasaun mudansa servisu iha implementasaun pensaun sosiál no bolsa da main jerasaun ba estrutura suku Ainaro
Iha segunda feira semana ne’e sentru solidaridade sosiál munisípiu Ainaro desimina informasaun ba estrutura suku Ainaro kona -bá mudansa implementasaun programa pensaun sosiál no programa bolsa da main jerasaun foun
“Programa pensaun sosiál hanesan veliche ba tersera idade inklui invalides dadaun ne’e la’ós ona responsabilidade sentru solidaridade sosiál munisípiu Ainaro maibé programa refere institutu seguransa sosiál mak sei atende fali”. Dehan Diretór sentru solidaridade sosiál munisípiu Ainaro Armando Amado da costa ba jornalista iha nia knar fatin.
Iha fatin hanesan xefe do suku Ainaro Agapíto Fátima Martins tuir nia observação katak governu implementa programa idozus la’o ladún di’ak tamba iha lista aprovasaun naran iha maibé bainhira atu hala’o pagamentu laiha orsamentu too oras nee laiha esplikasaun klaru kona bá ema ne’ebé lakon nia direitu iha tinan 2022 segundu periodo
“Hau lamenta ho servisu funsonário sira nian iha implementa progra idozus la’o ladún di’ak tamba iha lista aprovasaun naran iha maibé bainhira atu hala’o pagamentu laiha orsamentu too oras nee laiha esplikasaun klaru kona bá ema ne’ebé lakon nia direitu iha tinan 2022 segundu periodo, tamba ne’e bainhira atu impleta programa ruma tengki iha esplikasaun klaru”. Xefe suku Ainaro Agapíto Fátima Martins, hato’o lamentasaun no rekomenda.
Enkuantu atividade desiminasaun ne’e hala’o iha sede suku Ainaro perante loron ida, no partisipa masimu autoridade lokal Munispio Ainaro.
Editor : Lian Orluli
