Lian orluli-19-07-2022- Vise Ministra Solidariedade Sosiál no Inkluzaun (V-MSSI), Signi Verdial informa MSSI sei lansa pagamentu subsídiu ba inan ho oan iha loron 22 fulan Jullu 2022, iha munisípiu Ainaro.
“ Ita nia numeru benefisário atus ida liu (100) sei halo pagamentu agora, sira bele simu ona, osan $ 15, ba sira ne’ebé maka seidauk kompleta sira sei halo kompletu ezemplu sira tenki loke sira nia konta bankária, osan ba inan isin rua hahu husi 0-9 $ 15, ba labarik tinan 3 mai kraik sei hetan osan 20 USD, ba labarik ne’ebé ho difisiénsia sei hetan $ 30 USD, no ba labarik sira sei simu too tina 6,’’ katak vise MSSI ne’e ba jornalista sira iha Ainaro foin lalais.
Nia dehan, governu liu husi MSSI iha programa boot rua ne’ebé MSSI implementa kompostu husi bolsa da mãe ho jerasaun foun, programa ne’e hala’o dahuluk iha munisípiu 3 no prosesu pagamentu komesa iha semana oin.
Vice Minitra ne’e dehan tan, programa boot ida ne’ebe MSSI halo ba oin mak sei haluan tan programa bolsa da mãe ho novo jerasaun no MSSI sei servisu hamutuk ho saúde atu identifika hela area ne’ebe iha problema má-nutrisaun.
‘’Ita hakarak halo advokasia no sosializasaun ba ita nia komunidade ba labarik sira ba eskola sira ka aihan saida mak produtivu para inan-aman sira bele hatene, ne’ebe ita iha faze diskusaun hela ho ministésrio Saúde espera katak ita bele tau hamutuk ideia ka programa diak ida para 2026 nian,’’vise MSSI ne’e hakotu.
Editor: Lian Orluli
