Lian Orluli -Ministeriu Transporte no Komunikasaun (MTC), liu husi Diresaun Transporte terestre segunda ne’e iha Ainaro sosializa dekretu lei ba utilizasaun estrada ho seguru
Tuir Diretora Nasionál Diresaun Transporte Tereste Maria António Vitor hateten, atividade sosializasaun ne’e ba pùbliku liu-liu kondúz nain sira
Atu bele hatene sinais sira molok tuir teste ba karta kondusaun
“Objetivu atu fahe Informasaun ba kandidatus kondutores sira, oinsá uza estrada públiku ho seguru, bazea ba Dekreitu lei númeru 6/2006, no mós sinalizasaun, no marka sinais tránjitu sira ne’ebé maka iha, nune’e kandidatu sira bele iha koiñesementu kona-ba lala’ok tranjitu nian ho sinalizasaun ho marka sira hafoin sira tuir teste ba iha ezame Kondusaun, tuir pedidu husi Prezidente Autoridade Munisípiu ho Komandante Tranjitu Munisípiu Ainaro, ba Diresaun Transporte Terrestre, hamutuk rihun rua kandidatus, maibé la signifika sira ne’ebé mak foun atu teste karta Kondusaun, maibé inklui mós ba sira ne’ebé atu renova no pedidu ne’e haruka ba deste fulan Janeiru ita la konsege halo tanba tempu no jestaun orsamentu, DNTT atende fila fali munisípiu sira seluk, ho nune’e mak agora dadaun fulan Outubru ida ne’e ita atende fila fali iha Munisípiu Ainaro rasik,Tanba Polisia Tránjitu Nasionál hanesan parseiru DNTT nian, la’ós de’it mai iha Ainaru maibé tinan barak ona mak polísia Tránjitu ho DNTT sempre servisu hamutuk sosializa lei no lalaok, oinsá uza dalan públiku ida ne’e ami hala’o tinan barak ona ami sempre hala’o iha Munisípiu sira”. Dehan diretora ne’e iha sosializasaun refere.
Alende Diretora ne’e, Komandante PNTL Munisípiu Ainaro Supertendente Asistente Luis da Silva mós subliña, atividade refere importante tebes ba kandidatus sira nune’e bele komperende di’ak kona-ba Sinais tránjitu nian, wainhira konduz veíkulu.
” Loron ida ohin importante tebes tanba ema ne’ebé mak lori kareta la iha karta kondusaun ho nune’e mak komandu Munisípiu Ainaro liu husi Diresaun Tránjiitu halo karta ida ba DNTT ho nune’e, Ohin bele halo sosializasaun no kapasita ba kandidatu sira atu konduz veíkulu, ho seguru iha dalan públiku, tanba ne’e mak w husu ba membru kandidatura sira atu aproveita trenamentu durante loron 10 ho di’ak liu husi trenamentu ne’e hahú husi ohin ba oin ne’e kona-ba formasaun ninian de’it, no hela loron 8 ne’e ita halo teste primeiru eskrita, Oral, no prátika, no ema hatene di’ak hafoin lori kareta ho motor“, Komandu ne’e esplika.
Total Kandidatu ba rejistrasaun teste karta kondusaun hamutuk rihun rua la konta ho renovasaun karta komdusaun iha Munisípiu Ainaro
Jornalista : Sara Lewis
Editor: Lian Orluli
