Lian Orluli -28/03/2022- Ministerio Comersiu Industria (MTCI) sosialijasaun programa Negosiu Social ba Emprejariu local iha Munisipiu Ainaro
MTCI liu husi programa dirasaun programa apoiu Dezenvolvimentu ba mikro ki’ik sira, halao sosialijasaun ba programa negosiu social iha Ainaro
Direktor geral da industria Carlos Ximenes Lopes, objektivu principal atu sosialija informasaun ba negosiante sira hodi asesu ba kreditu liu husi BNCTL
“ Sensibilijasaun ba negosiante Mikro atu bele asesu iha kreditu kapital osan husi BNCTL, tamba ida ne’e osan ne’ebe ita sensibilija ba komunidade sira atu nune’e bele asesu iha kreditu, no sei prapara mos husi kliente sira antes atu kreditu sei kompleta dokumentus planeamentu sira ba MTCI hodi bele asesu ba kreditu kapital”. Dehan Direktur Carlos Xavier ba Jornalista media Online Lian Orluli
Nia mos salienta tan, iha tinan hira liu ba iha programa osan sunvensoens públika nian la sufisiente, hodi atende ba Negosiante sira ne’ebe maka iha interse atu halo Negosiu pequena sira.
“ Tinan hira liu ba ita iha programa osan suvensoens públika nian, maibe ne’e la sufisiente hodi atende ba negosiante ki’ik sira ne’ebe maka iha interese hodi halo negosiu pequena sira tamba ne’e liu husi programa ne’e negosiante sira bele asesu ba kreditu ne’ebe sei selu ho funan ki’ik”.hatutan direktur ne’e
Aleinde ne’e partisipante Francisco Xavier Do Rego, hateten : “sente konteti ho sosialijasaun ne’e bele haklean liu tan sira nia konhesimentu liu-liu iha area negosiu nian, materia ne’ebe maka iha oinsa atu bele asesu ba merkadau no bele hetan nia lukru, liu husi kreditu mikro sira ne’ebe maka prepara husi Guvernu nian”. dehan Fransisco
Francisco Xavier do Rego, hanesan partisipante, rekomenda ba Guvernu liu husi Ministeriu MTCI se bele programa asesu ba kreditu ne’e bele lori ba iha baze ( Suku to Aldiea) atu nune’e komunidade ki’ik sira bele asesu mos ba programa ida ne’e.
Ba socializasaun akompanha husi presidenti BNCTL reprejentante SERVE IP, IAD no PNUD
Editor : Lian Orluli.
