Lian Oluli – Liga ho issue ba mudansa iha estrutura Governu nian ne’ebe akontese iha Munisipiu Ainaro sei la to’o iha lideransa suku sira tanba lideransa suku laos asume knar polítiku maibe hanesan Independente ne’ebe eleitu direta husi komunidade sira.
Lian Hirak ne’e hato’o husi Xefe do Suku Ainaro Vila Agapito Fátima Martins, ba Lian Orluli iha nia knar fatin, sede Suku Ainaro Vila, Postu Administrativu Ainaro, Munisipiu Ainaro.
“Sim klaru, ema halo ona mudansa barak iha Munisipiu sira seluk, iha Ainaro mos hahu tiha ona katak halo mudansa ba orgaun estadu nia hahu husi cleaner to’o iha Diretor, lideransa Munisipiu no Postu, halo mudansa la to’o iha ami Xefe suku, tanba ami la envolve a’an iha orgaun Governu, ami hamrik iha orgaun ida ne’ebe Indepedente, Administrador Munisipiu, Administrador Postu sei troka hotu, mai fali hahu ho liderasa foun, agora dadaun hahu husi cleaner to’o Director troka hotu, depente ba prosesu nunu Governu nian, tuir informasau ha’u sedauk iha baze legal ida ha’u bele halo komentariu tuir informasaun ne’ebe mak ha’u hatene” Katak Xefe Lideransa Komunitariu ne’e ba Lian Orluli iha Nia Knara fatin, 21/08/2023.
Nune’e nia komenta tan katak Munisipiu Manatuto no RAEOA sei taka no mai sentraliza iha nasionál, no postu haat ou lima ne’ebe maka foin hari’i.
“Informasaun neebe los laos hau inventa maibe mudansa ba kargu Xefia sira klaru katak dalaruma Administrador Postu, Administrador Municipiu no Diretor sira talvez depois 120 dias to'o formasaun nunu Governu nee hotu, karik mak foin implementa, ne`ebe laos informasaun falsu, iha Ainaro funsionariu kontratadu 73 para hotu servisu ona, ida ne’ebe tama iha estrutura Governu bele mos to’o tempu 120 dias ne’e hotu karik ne’e lao ona tuir prosesu.” hateten Xefe Suku Ainaro Agapito Fátima Martins ba Orluli News.
Liga ba mandatu lideransa suku sei hotu iha fulan outubru no sei akontese eleisaun suku iha fulan Outubru nia laran nafatin mantein ho lei nu 9/2016 maibe sei hein Governu sentral nia orientasaun oinsa implementa eleisaun lideransa komujitaria tuir Lei ne’e.
“Liga ba funsaun Xefe suku ami nia mandatu sei hotu iha loron 25/10/2023 maibe elisaun ne’e akontese elisaun iha loron 28/10/2023, agora ami nia mandatu ne’e hotu, mantein lei nu 9/2016 lei ne’e la book , kontinua implementa lei ne`e no la taka dalan ba Xefe suku tuan sira atu kandidata aan nafatin iha elisaun no ita nia komunidade mak eleitu no sira hili tuir ema ne’ebe mak sira tau fiar no bele halo nia kna’ar no dever iha suku ida nia laran, maibe IX Governu hamosu tan dikreitu lei ida lori ba debate iha Parlamentu Nasional dala ruma aprova ona, ami hein hela lae aban dikretu lei ne’e to mai ona, no ami sei hein lei ne’e nia orentasaun no lalaok ka esplikasaun iha lei nia laran atu lao oinsa no ami lakoi kontra lei ne’e no inventa informasaun antes, buat hotu bazeia ba regras governu nian” haktuir Xefe Suku.
Enkuantu Xefe Suku Ainaro Vila Agapito Fátima, Povu suku Ainaro fo konfiansa ba nia, lidera ona suku refere ba periode da-tolu, no tinan ne’e ho konfiansa tomak husi lisan Lau-bei Mau-teni, sei nafatin fo konfiansa hodi lidera suku Ainaro iha tinan lima oin mai, alende ne’e bajeia mos ba Estatutu Lideransa Komunitariu lei No 9/2016 sei la taka dalan ba sidadun ida hodi kompete ba lideransa komunitariu.
Jornalista : Fina/Ireni
Editor : Lian Orluli
