Lian orluli – 4-07-2022- Negosiante merkadu munisipal Ainaro pasiénsia tuur iha tahu leten hodi fan sira ninia produtu lokál, tanba kondisaun merkadu rasik laiha kondisaun atu fasilita komunidade buka osan ba sira nia nesesidade loro-loron.
Situasaun reali iha merkadu munisípiu refere bainhira iha tempu udan prejudika tebes negosiante sira hala’o atividade negosiu inklui laiha espasu atu fasilita parajen ba transportes públiku ho privadu iha tempu bazar.
Iha parte seluk haree kondisaun merkadu rasik laiha espasu liu-liu tuur fatin no mahon ne’ebé dignu atu proteze negosiante sira iha tempu udan no bailoron, negosiante ida-idak buka sira nia fatin ne’ebé laiha kondisaun di’ak tuur iha tahu-leten no udan laran hodi buka netik osan rahun uituan liu husi fan prosutu lokal hanesan modo, farina, talas no seluk tan.
Iha entrevista ho jornalista Lian Orluli news, negosiante Felisberta de Orleans haktuir, nia sente triste tebes, no nia mai husi postu Hato-builico iha loron domingu ne’ebé hanesan loron identikadu bazar iha munisípiu ne’e, lori produ lokal husi Hato-Bulico ba merkadu munisípiu Ainro hodi fan, maske munisípiu iha soin barak ba produtu lokal, maibé laiha kondisaun infraestrutura merkadu nian atu fasilita komunidade agrikultores hodi fan iha tempu bazar.
“Hau triste loos, bahira lori ha’u nia produtu sira ne’e mai fan no tau de’it iha rai leten, kuando iha tempu udan fan de’it iha tahu laran, no ami mos tur no hein deit iha fatin bokon ne’ebé nakonu ho tahu, ha’u nia produtu sira ne’e lori husi Hato-builico mai fa’an iha merkadu, maibe ami sempre hasoru problema hanesan ne’e, ha’u triste tebes ho kondisaun merkadu ne’e “. Dehan Felisberta
Iha sorin seluk, negosiante Santina da Silva husi suku Casa fundamenta, munisípiu Ainaro riku ho produtu lokál maibé kondisaun merkadu rasik invade ho tahu dodok iha tempu udan, difikuldade boot ba ema kompradores sira atu sosa, tanba modo latan iha tahu leten no negosiante sira tuur mos iha rai-dodok nia leten hodi fan modo tahan.
“Londisaun merkadu ladun di’ak sosa nain sira mos menus no ladun mai vizita dala barak ona ami nia sasan sira estragus no so’e de’it, kuando iha tempu udan ami sira fa’an nain ne’e tur de’it iha tahu-laran balu sai at hotu, tanba ami tau de’it iha tahu laran iha udan laran,’’halerik Santina.
Hatan ba preukupasaun negosiante sira ne’e, Diretor Jestaun Merkado no Turizmo munsípiu Ainaro, Clementino de Araujo, argumenta nia parte konsidera Merkadau ne’e sei tradisional la’o’s Merkado Munisipio, tanba haree husi kondisaun fatin ladun sufisiente, kona-ba terminal, oras ne’e dadaun governu lokal ho lider komunitariu deside ona fatin ne’ebeé sei prepara hodi halo terminal inklui merkadun Munisípiu.
‘’ Munisipio Ainaro kondisaun ladun diak no vendedores barak maka fan de’it iha rai laran, kuando iha tempu undan fan iha tahu laran, tuir informasaun husi vendedores sira katak fatin ne’ebe maka governu prepara labele atu kobre hotu vendedores sira, tanba fatin ne’ebe iha rejistu hotu ona husi maluk vendedores sira seluk , taba ne’e vendesdores ne’ebe husi dook sira labele uza no tenke hatur duni iha rai laran,’’Clementino sublina.
Editor: Lian orluli
