Lian Orluli — Nemezio Lopes de Carvailho nudár komunidade hateten, iha tinan barak nia laran Cassa ladauk iha dezenvolvimentu liliu fasilidade ba alunus tanba ne’e nia oferes rai ba estadu ho gratuita hodi loke eskola ba oan sira bele estuda tanba futuru ba dezenvolvimentu save importente mak edukasaun
” Rai ne’ebe mak entrega ba estadu durante tinan 10 ona , maibe laiha dezenvolvimentu, tanba nee ohin entrega rai ho ektares lima ne’e estadu ho gratuita, atu governo bele hari’i eskola sekundariu bele fasilita ami nia oan sira ba eskola besik, tanba ita hotu hatene katak edukasaun mak savi ba dezenvolvimentu”. Nemezio dehan hafoin entrega dokumentu rai nian ba estadu sesta nee, (08/03/2024)
Prezidente Autoridade Munisipio Ainaro Manuela Georgina Carmo Bucar Corte-real subliña, rai ne’ebe pesoal komunidade ne’e oferese hanesan fatin estratéjiku hodi akumula sidadaun no fasil ba estudante sira bele asesu ba edukasaun
“Agradese tebes ba ita bo’ot sira bele fo ona rai ektares lima ba estadu hodi halo dezenvolvementu estratéjiku bele akumula ema husi zumalai, Hato-Udo Fakultas, mai besik liu duke sira ba to’o Ainaro”,dehan PAM Ainaro
Tanba ne’e nia husu governu liu husi ministériu edukasaun atu tau konsiderasaun no dezenvolve rai ne’ebe komunidade ne’e oferese ona hodi fasilita oan sira bele asesu ho diak
“Hau husu ba Ministra Edukasaun atu tau konsiderasaun hodi dezenvolve buat balun iha rai ne’e atu nune’e bele fasilita ita nia oan sira mai Eskola besik, hau espera katak iha futuru Ita harii eskola ho kondisaun ida ke diak nune’e ita oan sira bele eskla ho diak”, dehan nia.
Hatan ba ne’e Ministra Edukasaun Dulce de Jesus agradese ba komunidade no Prezidente Autoridade Munisipio bele iha kordenasaun ne’ebe diak, tanba ne’e ministra ne obtimista katak posibilidade bele loke tan Eskola Sekundariu ida iha rai ne’ebe komunidade entrega ba estadu hodi
” Ita tenki hare’e kuandu iha ona Eskola Ensino basico lalika loke tan atu nune’e labele dupla, no iha fatin ne’eba iha ona EnsinubSekundario Paralelo, Entaun ita sei iha Posibilidade hodi bele Loke Tan eskola Sekundariu iha rai ektares lima ne’ebe oferese husi Komunidade, buat sira ne’e hotu, Estudo no analiza halo didiak” dehan ministra edukasaun.
Ho nune’e Ministra Edukasaun Dulce de Jesus ho ekipa akompaiña husi Prezidente Autoridade Munisipio Ainaro autoridade seguransa inklui parte igreija Padre Eugenio Redentor, too kedas iha tereñu hodi observa direita rai refere
Enkuantu Nemezio reprejentante hanesan lisan boot iha suku Cassa, entrega dokumentus rai nian ba Ministra Edukasaun no Prezidente Autoridade Munisipio Ainaro hanesan evidensia forte ida.
Jornalista : Sarah
Editor: Lian Orluli
