Lian Orluli – Servisu Rejistu Notariadu Munisípiu Ainaro dadaun ne’e, hahu halo atendementu kaderneta pasaporte ba komunidade sira iha munisípiu Ainaro.
Tuir Diretór Servisu Rejistu Notariadu Munisípiu Ainaro, Joanico da Silva, ba jornalista Lian Orluli katak, dadaun ne’e, pasaporte hamutuk diza seis mil tama ona iha Nasional, tanba ne’e Servisu Rejistu Notariadu Munisípiu Ainaro hodi halo atendementu ba komunidade sira.
Agora dadaun Servisu Rejistu Notariadu atende sidadaun hamutuk 50. Tuir kritéria atu trata Pasaporte tenke lori Kartaun Bilete Identidade no Certidaun RDTL
“Prioriedade ba ida ne’ebé moras todan, atu ba liur sira ne’e hotu kedas, diza seis mil to’o ona. Iha Pasaporte hanesan, ita hateten katak atu koloka mai ita lae, maibe utiliza kaderneta Centraliza iha Nacional”, nia esplika.
Servisu diresaun munisipal konservatoriu Rejistu Notariado Munisipal hotu atu simu sidadaun nia dukumentos no prosesa hodi hasai foto hodi manda ba nasional mak print iha nasional tan ne’e kaderneta la haruka mai Munisipiu, kaderneta sentraliza iha Nacional.
Orientasaun husi Superior katak hala’o ona atendementu normal iha loron 22 Novembru tinan 2023, simu dukumentus halo tuir regras simu 50 pessoas tuir kriteria. Bilete Identidade uza hodi trata Pasaporte tamba dalaruma Certidaun la hanesan ho BI entaun presiza lori ho Certidaun
Nia klarifika tan katak, Pasaporte ne’ebé sidadaun trata ho orsamentu dolar 50 ne’ebé nia prosesu mak loron 10, iha Dili hafoin koloka mai, bele halo distribui sidadaun maioria trata Pasaporte joven sira ne’ebé ho Identidade hanesan traballadór sira atu ba rai liur no estudante.
Nia haktuir, Sistema hotu-hotu hanesan prosesa iha nasional. Ema ne’ebé halo pasaporte seluk mak hanesan, selu dolar 10-50. Trata domunentus pasaporte ne’e tuir komunidade nia nesesidade no balu eskola no trballadór balu ba rai liur hanesan Australia, Korea no seluk-seluk tan.
ESTJ: Irene Tael
