Lian Orluli, Maubisse 17 Jullu 2025 — Situsaun tristeza nian iha Aldeia Malaria, Suku Mau-lau, Postu Administrativu Maubisse, hafoin inséndiu boot ida ne’e, iha faluk Anita Mendonca nia rezidensiá. Uma rua ne’ebé pertense ba xefe família nian hetan destruisaun hosi inséndiu, hodi hamosu lakon materiál hotu, no la konsege salva.
Vítima ida, Anita Pereira Mendonça, Faluk ho oan kiak na’in tolu, sofre lakon buat hotu. Iha dezastre ne’e, nia lakon la’ós de’it nia uma no nia sasán uma-laran nian, maibé mós osan $1,500.00 ne’ebé nia akumula liu hosi nia serbisu maka’as husi negósiu ki’ik sira iha mekadu.
Ho triste, Anita esplika katak nia planu atu uza osan neʼe atu tau matan ba ninia inan neʼebé moras no tau matan ba ninia família nia presiza.
“Ha’u serbisu maka’as tebes iha tempu tomak ne’e, fa’an produtu sira hosi ha’u nia rai rasik atu nune’e ha’u nia oan sira bele han no ba eskola. ho asidente ida ne’e, buat hotu lakon,” nia hatete, hafalun ho matan-been nalihun dau-daun.
Hafoin hetan informasaun akontese insendiu jornalista tenta entervista ho lideransa komunitáriu, informa, insediu ne’e rejulta uma rua maka ahi han motuk, no sasan uma laran la konsege salva, husi asidente ne’e la rejulta ema kanek ka mate ruma
Xefe Suku Mau-lua Julio Martins,dehan akonte insedio ne’e iha oras meudia 01:00, rejulta uma rua ahi han motuk kauja husi sunu ahi iha uma laran no la hamate.
“Uma rua ne’e husi familia Anita Pereira Mendonça, ne’e faluk ho oan kiak nain tolu, no Antonio da Costa Martins, uma rua ne’e ahi han motuk no sasan la konsege salva hotu, inklui ho osan hamotuk dollar $ 1.500.00. kronologia husi akontementu ne’e turi informasaun sunu ahi iha uma laran no familia sira sai hotu ba toos la konsege hamate ahi” Esplika Lideransa komunitariu ba Jornalista Lian Orluli, Via telefone
Tuir abitante seluk fo sasin, ahi ne’e da’et lalais tebes nune’e abitante sira la konsege salva sasán barak.husi asidente ne’e laiha vítima kanek ka mate, maibé lakon buat hotu.
Inan faluk ne’e ho nia oan kiak hamotuk ho nia inan ne’ebé ferik no farku tebes, dau-daun ne’e iha hela vijinho nia uma, no familia vijinho sira ajuda vítima sira evakua sira sai husi fati akontementu.
Enkuantu autoridade lokál sira hahú halibur dadus no investiga kauza hosi inséndiu. Asisténsia umanitária hein hodi apoiu emerjensia ba familia vitima nune’e bele hamenus todan ba vítima sira.
Enetertantu husi Autoridade Munisípiu liu husi, Autoridade Protesaun Civil apoiu desatre to ona iha fatin hodi apoiu emergensia.
Trajédia ida-ne’e sai hanesan lembransa moruk ida kona-ba frajilidade moris nian iha limitasaun sira nia leet, no importánsia solidariedade komunitária nian iha tempu difisil sira hanesan ida-ne’e.
Jornalista : Lian Orluli
Editor : Clementina Fátima
