Lian Orluli— Negosiante Inan, Anabela de Araújo ho idade 41 hamutuk ho nia laen Kaben, Nunu da Silva, hela iha Suku Mau-ulo, Posto Administrativu Ainaro, Munisipiu Ainaro, tamba situasaun ekonomia obriga tenki fa’an obralan hodi sustenta nesesidade moris.
Ba Jornalista Lian Orluli Negosiante Anabela de Araújo hateten maske kompradores ladun barak, maibé nia nafatin iha vontade kontinua faan.
“Ha’u fa’an roupa obralan hahú iha loron segunda to’o sexta iha uma, iha Loron Sabado, Domingo hafoin ba fa’an iha mekadu , maibé roupa ne’ebé mak ha’u fa’an iha uma ema sosa la dun diak, maibe ha’u nafatin iha vontade hodi fa’an maske dook husi merkadu no ema barak mak fa’an OB, ho nune’e loron ida osan tama iha deit $ 5.00 too $7.00, maibé iha loron Sabado no Domingo ami bele hetan osan husi OB ne’e bele to’o iha $ 30.00 too $40.00 ’’ Anabela de Araújo dehan iha area Mau-lore, iha loron Terça 15 de Augusto 2023.
Ho negosiu ne’ebé nia halo ne’e diak maibe mos nia parte lamenta tamba impresta osan husi Agensia KAEBAUK hamutuk $ 1,500.00, maibé kada fulan tenki seitor osan ho Montante $85.00, maibé problema ne’ebe mak nia hasoru mak ema sosa OB la dun barak.
“Osan ne’ebé mak uza hodi loke OB, primeiro uza osan rasik, depois ema sosa ladun diak no osan isin lolon la fila, ha’u foti fila fali osan husi Agensia nian liu husi Kaebauk ho montante osan $ 1, 500.00 no kada fulan seitor ba Kaebauk ho osan $ 85.00 maibé osan ne’ebe mak kompradores sira sosa la sufisente mai ami hodi setor ba iha Kaebauk no mos selu oan sira nia Eskola, Inklui mos ami nia nesesidade Uma laran nian” Dehan Negosiante ne’e.
Entertantu tuir observasaun Jornalista Media Lian Orluli iha terenu nota katak negosiante Anabela de Araújo ho nia laen kaben Nuno da Silva ne’ebé mos agrikultor ne’e iha oan hamutuk nain 8, feto 4 no mane 4, maibé oan nain 5 forma ona familia, no nain tolu sei kontinua estudo iha Eskola Venancio Ferraz Ainaro, sira nain rua fa’an obralan nudar alternativu ida hodi sustenta família.
Jornalista : Leoniza
Editor : Lian Orluli
