Lian Orluli—Padre Parokía Nossa Seiñora de Fátima Ainaro, Alberti Franco Morato husu Sarani sira atu hamotuk ho Família ida-idak hodi selebra natál, tanba natál festa família.
“Sarani hotu passa natál tenki hamotuk ho família ida-idak nian, tanba festa natál, festa familia“.P.Alberti iha omilia Selebrasaun Missa natál Segunda (25/12/2023).
Nune’e iha selebrasaun missa natál kalan, Parde Eugenio Redentor mos hatete, simbolíka husi prizépiu natál maka drama Vulnerabilidade iha ema idak-idak nian, introduz husi S.Farncisco de Asisi, iha tinan 800 liu ba kotuk
“Intruduj Santu Farncisco de Asisi iha tinan 800 liu ba, tinan 1223, katak Prizepiu ne’e drama ida ne’ebé vulnerabilidade iha ema ida-idak nian, tanba ne’e Prizepiu fatin simples no hamatek,sarani sira tenki refleta liu husi Prizepiu” Padre selebrante missa natál kalan, Eugenio Redentór hateten
saserdote ne’e husu “Sarani sira atu refleta no hakmatek iha idak-idak nia fatin atu labele halo barullo iha fatin-fatin. Maromak re-ikarna nia aan ba ema ida, mai lori domin, páz no hamatek,” P. Eugenio, iha omília selebrasaun missa natál kalan
Hafoin missa remata, Padre paróko Alberti Franco Morato ho P.vigário Eugenio Redentor hato’o dezeija paraéns no ksolok loron natál ba família, no ema idak-iak, iha sosidade kristaun hotu.
Jornalista: Sarah/Jeny
Editór : Lian Orluli
