Lian Orluli— Prezidente Autoridade Munisípiu Ainaro (PAA), Leovegildo Amaral Pereira deklara prontu kolabora ho Prezidente Autoridade (PA) Foun hodi sevi povu, Maibe’e depende ba Estruta foun.
“Hau nia parte Prontu kolabora ho prezidente Autoridade Munisípiu foun hodi servi povu Ainaro halo dezemvolvimentu diak liu tan iha ita nia rai, maibe’e ne’e depende ba estrutura foun sira, karik hakarak kopera ho hau,” Prezidente Autoridade Munisípiu Leovegildo Amaral Pereira hatete ba lian Orluli iha nia kanar Fatin, sesta-feira (05/01/2024)
Leovigildo Amaral Pereira hetan fiar husi oitavu governu iha tinan 2021 hodi sai ukun na’in ba povu Postu haat hanesan, Maubessi, Hato-builico, Hato-udo inklui Ainaro, no suku 21, Aldeia 131, iha munisípiu Ainaro, durante tinan lima, maibé autoridade munisípiu Ainaro seidauk kompleta nia mandatu ba tinan lima, mosu ona lista naran foun prezidente autoridade munisípiu Ainaro, ne’ebé ema hahú lansa iha redi sosial katak, Gina Corte-real, eis Diretóra Ministériu komersiu industria maka prezidente Autoridade Munisípiu Ainaro
Relasiona ho assuntu ne’e Autoridade Leovegildo Amaral, rekonhese tempu to’o ona ema seluk bele mai lidera fali nune’e tau matan ba povu Ainaro, hadia dejemvolvimentu sai diak liu tan.
Autoridade Munisípiu Ainaro deklara durante nia mandatu konsege rejolve problema desputa rai estadu ne’ebé maka sidadun sira okupa
“Iha hau nia mandatu Rai ne’ebé iha problema nia laran ka desputa hela hamotuk 6 maka hau konsege rejolve ona no entrga hikas ba estadu hodi harí edifisiu. Ida maka Rai Postu Administrativu foun iha area maulore, Jardim Kuda nian, Eskola Antiga hodi harí Edifisiu Ministériu Edikasauan, Rai harí Armagen iha eskola TECVOC Aitutu, inklui ida iha Postu Administrativu Maubisse, ne’e konsege hau rejolve hotu ona, maibe’e rai iha area Biskem nian ami ba sidan dala rua ona, espera Presidente Autoridade foun bele kuntinua, no hau pronklu kopera sai hanesan sasin hodi defende rai estadu nian,” Autoridade munisípiu ainaro leovigilldo Amaral Pereira
Leovigildo Amaral Pereira ho haraik a’an husu diskulpa ba povu munisípiu Ainaro, durante nia ukun tinan 2 fulan 10, ba liafuan naksalak sira, autoridade munisípiu Ainaro ne’e husu diskulpa, no prontu kolabora ho estrutura foun iha administrasaun munisípal karik mai
Entertantu tuir informasaun eis Dretóra Ministériu Komersiu Industria Gina Corte-real tuir planu sei simu posse iha loron 11 fulan janeiru tinan 2024 iha Munísipiu Ainaro
Jornalista: Lian Orluli
Editór :Lian Orluli
