Lian Orluli— Relasiona ho serimónia tomada de pose ba xefe suku sira, Padre paroku igreja Maubisse João Soares, husu, xefe suku sira ne’ebe mak eleitu no re-eleitu ukun tenki banati tuir modelu ukun ne’ebe maka Cristu Nai Liu-rai hanorin
Padre João hato’o ba lian orluli iha rezidensia Paroquia Imaculado Corasão Maubisse, bainhira jornalista komfirma, loron tomada de pose ba sefe suku eleitu no re-eleitu ne’ebe sei selebra dauluk ho iha misa agrdesementu iha igreja PICOMA Mubisse, loron 26 novembru
“Primeiru lori sarani tomak nia naran hakarak hato’o agrade ba liu-rai sira ne’ebe maka hetan ona komfiansa iha loron 13- fulan ne’e, no antes hakat ba tomada de pose iha programa ida Missa agradesementu dauluk hodi husu bensaun ba xefe suku elitu no re-eleitu sira ne’ebe sei hakna’ar hanesan Servidor povu, tanba ne’e selebrasaun misa agradesementu iha kedas festa kristu nai liu-rai nian, atu lori liu-rai sira mai hasoru malu ho Nai Jesus Kristu iha nia festa ne’e, atu nune’e ukun nain sira atu foti modelu husi Kristu Nai Liu-rai nia hanorin,” tenik padre Pàroqua PICOMA Maubisse, João Soares.tersa (21/11/2023)
Padre Paroku ne’e hatutan tan ukun nain hakarak atu halo mudansa iha rai ida ne’e ho diak presija mos enkaixa kristu Nai Liu-rai nia maneira ukun, ukun ho domin, no maduru. sai ukun la’os Previlejiu ida, ne’e Vokasaun, presija valóriza tanba la fasil, ukun la’os koalia barak maibe la halo buat barak, no Justifíka koalia barak halo barak
“Hakarak atu iha Mudansa Pozitivu Presija mos enkaixa Kristu Nai Liu-rai ninia maneira ukun nian, ukun bele ukun ho diak, no iha missa ne’e ba sira bele hetan bensaun hodi halo’o sira nia Kna’ar tempu naruk nia laran tomak bele maduru iha mundu ho domin ne’ebe bo’ot, halo kanar ho Sakrafisio bo’ot hanesan Nai Jesus Kristu dehan, iha Festa Kristu Liu-rai ne’e atu hare’e oinsa sira bele foti Jesus Kristu nia ukun ne’e sai modelu ukun ba povu tomak, sai uku la’os Previlejiu ida ne Vokasaun, ita presija valoriza ida ne’e tanba la fasil, ho Nai Maromak nia Tulun, Nai Liu Rai sira Inklui Administrador ne’ebe ukun tenki hare ema ho fuan bo’ot no simplesmente, ukun la’os ko alia barak maibe la halo buat barak, no Justifíka koalia barak halo barak,” dehan Padre Paroku João
Responsavel paroku PICOMA ne’e husu ba ukun nain sira tenki rekoñese frakeja sira maiske sai ona hanesan autoridade nafatin buka Nai Maromak no badinas ba missa, tanba Nai Maromak Maka primeiru liu iha Mundu
“Primeiru sira tanki rekonese uluk sira nia ‘ an katak ita sempre iha frakeja entaun bele sai hanesan autoridade atu buka nafatin Nai Maromak maka primèiru liu iha mundu atu nune’e ho nia prejensa iha ita nia moris bele aselera sira nia ukun ho diak, segundu sai ukun ne’e hanesan vokasaun ida,”padre João hakotu
Entertantu Missa agradesementu ba sefe suku eleitu no re-eleitu nain 9 sei realija iha igreja paroku Imaculado Corasaõ de Maria (PICOMA),Postu Administrativu Maubisse iha loron 26
STJ: Elezita De Araujo
Editor : Lian Orluli
