Lian Orluli (09/04/2025)-Prezidente Autoridade Munisipiu Ainaro Manuela Georgina Carmo Bucar Corte-Real husu ba Funsionariu no kargu xefia no parseira atu iha loron nasional kabala Tais hanesan kustumi hodo bele promove mós Identidade Ainaro nian
Autoridade Másima ne’e hato’o apelu ne’e iha enkontru komisaun organizadora ba selebrasaun loron restaurasaun independensia Timor-Leste 20 fulan maiu tinan ne’e, no feira nasionál, iha salaun VIP kuarta ne’e (09/04/2025).
“Husu ba Diretor Servisu Munisipal nó Delagasaun Teritorial, administrador posto administrativu sira atu fo hatene ba imi nia ferik-oan sira, nó mós funsionariu Públiku hotu automatikamente Munisipiu, iha loron nasionais sira atu kabala tais, nune’e Ita bele promove ita nia kultura Ainaro nian“
Nia hato’o intervensaun ne’e tanba durante ne’e nota katak laiha sidadaun ruma kabala tais iha eventu nasionais sira tanba ne’e nia sujere atu funsionariu sira atu implementa ida ne’e sai ezemplu komunidade sira no promove tais hanesan identidade timor nian
Jornalista: Sarah Lewis
Editor: Lian Orluli
