Lian Orluli— Kongratulassun ne’e hato’o liu husi diskursu Prezidente Autoridade Munisípiu Ainaro Manuela Georgina Bucar Corte-real domingu ne’e tanba loron Veteranus iha Timor-Leste ba dala hitu (7), Selebrasaun dahuluk iha Ainaro
“Ba asauain no materis sira nia patria no espíritu patretizmu no ho rai Ainaro nia matak malirin, ne’ebe haraik ona mai ita hodi bele hamutuk selebra loron Veteranus nian iha Timor-Leste ba dala 7 no selebrasaun dahuluk iha Munisípiu Ainaro, Joven, estudante sira, foinsae sira, ita hamutuk fo ondra ba inan aman veteranus sira tanba sira ho nasionalizmu patriotizmu eroizmu to’o ohin loron ita bele moris livre independente no soberano iha Repúblika Demokrátika deTimor-Leste’’, PAM Ainaro dehan iha nia diskursu, iha ambitu selebrasaun ne’e
Alende ne’e Presidente konsellu Veteranus Munisipiu Ainaro Julio da Coceição “Loto mesak” nia parte agradese ba estadu TL tanba bele deside loron 3 fulan marsu hanesan loron ba veteranus hotu-hotu
“ Hau ondra tebes no agradese ba governu no estadu ida ne’e diside ona loron 3 de marsu hanesan loron ba veteanus sira hotu hanesan konsellu veteranus kontente tebes tanba ohin partisipa maximu tebes husi veteranus no veterana iha Ainaro atu infora deit katak ohin seremonia loron veteranus nian iha posto Ainaro posto tolu seluk seidauk bele tanba konsellu veteranus Ainaro ninia planu mak ida ne’e, mai oin konsellu veteranus sei lori aktividade hanesan bele ba halao fali iha posto tolu hanesan Hato-Builico, Maubisse no Hato-udu, atu nune’e inan aman veteranus sira iha posto sira bele sente katak 3 de marsu ne’e loron sira nian duni, tanba sira balu iha postu balu ferik katuas ona kondisaun saude la diak sira la bele mai’’, dehan Loro Mesak.
Nia informa, Veteranus laos moris diak dalaruma ema hateten povu moris terus veternus moris diak maibe veteranus merese moris diak tanba veteranus mak funu hasoru inimigu sira
“Veteranus sira nia moris la bele dehan sira mak moris diak tanba ne’e ema balu bele hatetn povu deit moris terus hela imi mak moris diak maibe merese moris diak iha rai ida ne’e, ema barak hateten povu imi la hare hare mak veteranus sira hau nia perguntas veteranus mak se, veteranus mak povu tanba veteranus mak halo funu laos dehan veteranus ne’e ketak povu ne’e ketak”, nia dehan ba lian orluli Domingu ne’e
Tanba ne’e nia enkoraja foin sae jerasaun foun badinas eskola no aprende tanba nasaun presiza matenek hodi banati tuir inan aman lutador sira no kolabora hamtuk hodi kontribui ba rai nia diak hodi hatutan historia inan aman sira nian iha pasadu
“Hau hanesan presidente konselhu Veteranus ida representa inan aman veteranus sira hotu ba buat ne’ebe ami halo hela jerasaun foun tenki kontinua tamba veteranu hotu iha ami deit ona kuando ami ferik katuas ami mate hotu ona veteranu sei laiha tan jerasaun ba veteranu nian sira atu hameno fokus ba eskola tamba governante mai oin presija ema matenek mak tur iha oin, veteranu husu ba jerasaun foun sira tenki kolabora no kontribui no aprende buat ne’ebe inan aman veteranu ami halo iha ne’e, tamba se lae ema dehan inan aman hatene halo funu ba ukun a’an maibe oan sira hamutuk hodi kria instabilidade iha nasaun hanesan veteranus atu hateten ba alin joven no oan sira katak tenke kontribui no kolabora ho autoriedade la bele hare ba partidu ne la questao se mak menan ona povu deside ona nia kaer ona governu ne ita nia governu dadus veteranus matre nian rihun rua atus lima ualu nulu resin, moris iha rihun tolu resin”, nia hakotu.
ESTJ: Irene Tael
Editor : Lian Orluli
