Lian orluli -04-07-2022-Administrador Munisipio Ainaro, Leovegildo Amaral Pereira hamutuk ho lia nain lisan Laubei Mauteni sei la tolera bainhira mosu desturbu ruma iha selebrasaun aniversáriu 28 de Novembru iha Ainaro
“Hanesan administrador Munisipio sei la tolera ba se de’it interese halo impedimentu ba atividade preparasaun 28 Novembru nian, no ha’u sei la halo mediasaun dala rua ho sei de’it kona ba rai ne’ebe atu prepara ba atividade ne’e, tanba lori naran governu lokal sei la hakruk ba ema individu ne’ebe koko impede dezenvolvimentu iha rai ne’e,’’ dehan administrador Ainaro jornalista sira iha salaun administrative Munisipio hafoin remata sorumutuk ho lia nain, xefe suku no diretores linas setoriais sira hafoin asina akta.
Nia mos hatutan ba ema ne’ebe halo reklamasaun la marka prezensa bainhira Administrador Munisipio fo konvite atu partisipa iha reuniaun hamutuk entidade lia nain inklui xefe do suku Ainaro nune’e mos autoridade lokal hodi halo mediasaun.
“Familia Verdial ne’ebe hato’o reklamasaun la marka prejensa konsidera ne’e laiha direitu ona atu okupa ba rai kominal ne’ebe lisan bo’ot (Laubei-Mauteni) entrega ba estadu, iha mediasaun ohin loron nian sira ne’ebe reklamante la marka prejensa konsedera sira hatene an ona katak sira la’os nain ba rai ne’e, no se la taka dalan ba sira bainhira atu halo keixa ba tribunal, maibe tenke hatoo dokumentus ne’ebe provas”.hatutan Administador Munisipio Ainaro.
Alende ne’e iha fatin hanesan reprezentante husi lisan bo’ot Iha Suku Ainaro (Lau bei Mauteni), Sancao M S Belo, Benjamin R, Guteres, reforsa sei la tolera ba se de’it atu halo impedimentu ba dezenvolvimentu iha rai Ainaro.
“ Lisan Lau-bei Mauteni sei la tolera, la simu no la fo fatin ba ema ne’ebe ho individu hodi mai halo impedementu ba dejemvolvimentu iha rai ne’e, tamba rai ne’e suku Ainaro no dato 9 halo ba kominal ne’e partensia ba estadu, lisan ne’e intrega rai ba fatin tolu deit ba Estado hodi harí administrasaun Publika, ba Igreja katólika hodi halo misaun, no fó ba liurai sira hodi halo mahon ba hela atu administra deit reino suku Ainaro ne’e, ba oin Husi lau bei Mauteni se la tolera tan ba se deit maka iha interese hodi halo impedementu”. Hatutan reprejentante Lisan Bo’ot lau bei mau teni,’’ katak nia.
Xefe suku Ainaro Agapito Fátima reforsa tan hanesan ukun ba rai no povu sei la haruka ba ema individu ne’ebe iha interese hodi hadau rai povu nian ne’ebe entrega ba estadu halo dezenvolvimentu, no hanesan xefe suku sei lidera povu Ainaro hodi ateru rai ne’e preparasun ba 28”. Dehan xefe suku Ainaro.
Editor: lian Orluli
