Lian Orluli—Prezidente Autoridade Munisípiu Ainaro, Manuela Georzina Carmo Bucar Corte-Real, realija enkontru Primeira semana fulan abril tinan 2024 ho Diretór Munisipaís hodi aprezenta ralatório servisu.
“Buat balun mak importante tebes ne’ebe husi nasional husu mai ohin ita tenki responde kedas maka primeiro PNDS, segundu Merenda Eskolar, terseiru dadus populasaun hahu husi idade 0-5 iha munisípiu Ainaro,tamba pedidu ne’ebe urjente mai husi nacionál, masimu oras ida loraik ita tenki haruka kedas dadus sira ba iha nacional, Primeiro ministru atu uza informasaun sira ne’e hodi ba halo relatório ho Prezidente da Repúblika,“ Hateten Prezidente Autoridade Munisípiu Ainaro, Manuela Georgina Carmo Bucar Corte-Real
Iha fatin hanesan Prezidente Autoridade Munisípiu Ainaro, Manuela Georgina Carmo Bucar Corte-Real, Salienta tan setór importante iha Munisípiu Ainaro maka estrada, edukasaun, Saúde, Algrikultura Ekonomia, Merkadu e Turismo.
“Hanesan Obras Públika saida mak ita boot sira tenki halo relasaun ho ambiente, Estrada, Saúde, Algrikultura, Edukasaun, Setór sira ne’e hotu importante iha munisípiu Ainaro, husu favor boot ida perpara ita boot sira nia aktividade kalendário husi planeamento sei haruka fali ba ita boot sira, para halo aprezentasaun por setores,” PAM hatete
Enkuatu iha enkontro ne’e Partisipa husi Prezidente Autoridade munisipiu Ainaro, sekretáriu I,II,III munisípiu Ainaro inklui directór Munisipais sira, enkontro ne’e halao’o iha salun VIP Administrsaun munisípiu Ainaro.
Jornalista : Shelyta
Editor : Lian Orluli
