Lian Orluli— Prezidente Autoridade Munisípio Ainaro (PAM), husu ba komisaun organizadora (KO) tenki kordenamalu nomos iha responsabilidade ba preparasaun komemora loron 03 de Marco 2024, nune’e atividades bele lao ho susesu, iha Munisípio Ainaro
Prezidente Autóridade Munisípio Ainaro, Manuela Georgina Carmo Bucar Corte-Real hateten nia parte pronto asina karta hodi husu kontribuisaun husi emprezário lokál nune’e bele suporta atividade loron Veterano iha Ainaro bele lao ho susesu
“Ba sira ne’ebe simu ona responsabilidade ne’e favor kordena malu atu nune’e ita nia preparasaun ne’e bele lao ho diak, hanesan Ainaro oan, hau pronto atu asina karta kuntribusaun atu nune’e hetan apoiu ruma husi empejáriu lokál sira ba iha atividades loron veterano iha Munisípiu Ainaro alende sira bele senti nain ba atividades ne’e” dehan Prezidente Autoridade Munisipio Ainaro, iha enkontru daruak, Kinta ne’e (08/02/2024)
Iha Sorin seluk Komandante Komando PNTL Munisípio superintendente asistente Luis da Silva hateten sei garante siguransa iha Loron 3 Marco to atividades remata, tanba loron ne’e importante tebes ba Veteranos sira
“Ita hotu hatene katak veteranos mak sai rin ba nasaun no sai nain ba festa 03 fulan marco ne’e, ita halo buat rua mak importante mak parada ba isar bandeira, no missa nune’e mos ita presija han tempo, atu nune’e iha isar bandeira bele la’o ho diak, hodi hatudu ba populasaun sira katak ita mos bele no ita bele mobilizasaun veteranos sira, autoridade ne’ebe mak nia responsabilidade iha suku no aldeia hodi mai partisipa, ita nia kordenasaun ne’e importante kareta iha rua posto administrativu nian no esquadra nian ,atu bele tulan sira mai hodi partisipa, no parte siguranca nafatin asegura wainhira abertura ona ba aktividade sira”.dehan komandante PNTL Komando Ainaro Luis
Enkuantu atividade ba prepasaun hahu iha loron 10 Febreiro tinan ne’e, sei iha atividades feira night Market, Sertame, aprejenta atrasaun kultural, inklui mos aktividade seluk tan hodi komemora loron 3 marso, loron ba Veterano iha Munisípiu Ainaro, tuir palno atividades hala’o iha resintu palko haksolok Ainaro, no isar bandeira iha kampo futebool.
Jornalista : Sarah
Editór Lian Orluli
