Lian Orluli– Relasiona ho udan monu-rai Prezidente Autoridade hamutuk ho Minisisteriu Agrikultura Pekuaria Peska no Floresta diresaun Ainaro halo dialogu komunitaria ho komunidade agrikultor sira hodi rona direta preokupasaun komunidade nian oinsa kontinua servisu hodi hasae produsaun
Prezidente Autoridade Munisípiu Ainaro, Manuela Georgina dehan, momentu oportunu hodi rona direta agrikultor sira-nia preokupasaun iha Bonuk, hodi bele reativa hikas natar abandonu sira hodi hasae produsaun tuir polítika governu asegura seguransa alimentar, maine nia parte husu agrikultor sira atu kuída ai-horis no animal fuik sira, nee hanesan turizmu
“Ohin ne’e oportunidade di’ak ha’u hakat mai iha Bonuk, hala’o dialogu ho agrikultor sira, primeiru mak hakarak rona sira-nia preokupasaun ne’ebé mak sira infrenta tanba hare’e ba politika governu nian fó prioridade ba agrikultura, hanoin katak seguransa alimentar ne’e presija haree ba produsaun, no oinsá mak ita hasa’e produsaun iha agrikultura nian, sira kolia mós kona-ba deskata ne’ebé maka tau hodi habadak sira nia natar toos, tanba iha area protizida ne’e sira iha natar, to’os ,hanesan mensagem ne’ebé ha’u kaer nafatin Seinhor Ministru nian hateten sira kontinua kaer natar ka toos iha dentru protejida maibé labele estraga, ai- horis, balada sira, ne’ebé mak moris iha área protejida ne’e , tanba area ida ne’e tama iha konservasaun Internasionál mós tau matan hotu entaun ita iha balada fuik bara-barak ita iha glória e fauna, sai hanesan rikusoin, tanba ne’e ohin ha’u hato’o ba komunidade oinsá mak ita konserva fatin ne’e aban bainrua bele sai hanesan Turismu ema bele mai halo peskiza no fo benefisiu ba komunidade sira, ne’ebé mak hela iha area ne’e, tanba Ministerio agrikultura apoiu trator mai ita oinsá mak ita atu meksimiza ekipamentus sira ne’e hodi motiva komúnidade sira, tanba ne’e ohin ha’u iha ne’e hodi motiva komúnidade sira, hodi reativa fila fali natar fatin ne’ebé mak ita husik kleur ona, no razaun ida komunidade sira dehan ne’e la iha depois ita hanoin ba vizita ema nia rai seluk, iha hare balun ke la uza Be’e iha rai maran ,oinsá mak ita koko atu kuda iha ita nia rai ne’e serve ka lae, entaun ida ne’e diresaun servisu Munisípal Ainaro tenki hare ba assunto ida ne’e, polítika governu nian fó prioridade ba agrikultura , no ha’u mai hamotuk ho komunidade sira oinsá mak atu implementa iha terenu”, dehan PAM Ainaro.
Iha dialogu ne’e komunidade sira mos preokupa tanba iha Bonuk bee la sufisiente no irigasaun sira mota sobu bee la iha atu halo natar
Hatan ba kestaun hirak nee, MAPFF diresaun Ainaro Aguida Judit Mendonça hateten, dau-daun ne’e projetu moru protesaun hodi asegura irigasaun no natar sei kontinua lao hela, tanba ne’e presija deit komunikasaun entre autoridade ho agrikultor sira wainhira akontese mota sobu irigasaun, tanba udan komesa monu-rai, agrikultor sira hahu servisu, molok ne’e presija rona direta preokupasaun komunidade nian hodi fo solusaun
“Ohin parte inisiu ba lavra rai bokon ninian ba iha natar sira, ho ida ne’e mak ita hakbesik uluk ba sira hodi rona preokupasaun sira-nian antes servisu sira bele la’o, no ita presija halo demokrotu balun ne’ebé mak bele fó ezemplu ba ita nia agrikultor sira, ohin sira kestiona kona-ba bee la sufisiente, no atu dehan katak hahú iha tinan kotuk Ministerio Agrikultura peskas floresta fó mai tau hela iha area Cassa ninian atu bele fasilita ba hadia bee dalan no irigasaun sira, no importante mak ita nia komunikasaun di’ak ho agrikultor sira ami ne’ebé mak Tekniku no servisu Munisípal sira, nune’e ami bele komunika ho eksa sira bele bebeik hadia irigasaun sira no udan makas afeita ba iha mota sira ne’ebé mak boot tebes estraga tia natar sira no agrikultor sira lakoi atu book fila fali tanba tauk bee sobu, agora dadaun ministeriu agrikultura peskas pekuario e floresta agora dadaun halo moru Protesaun hodi proteje area natar fatin sira, agora dadaun projeitu la’o hela espera katak tinan ne’e ka tinan oin bele remata“, Dehan MAP diresaun Ainaro.
Albertino da Silva, komunidade agrikultor louva inisiativa ne’e, tanba liu husi ida ne’e ho komunidade servisu hamutuk hodi eduka komunidade sai badinas halo servisu, interese ba povu
“Agradese ba Presidente Autoridade Munisípiu Ainaro tanba kolia katak hakarak hamaluk agrikultor sira durante fulan ida, tanba ne’e interese povu nia moris ho ida ne’e komunidade ne’ebé mak baruk ten mós sai badinas hotu“, dehan komunidade ne’e.
Atividade Dialogu nee halao entre Autoridade Munisipiu, MAP ho Agrikultor sira iha Bonuk Hato-Udo Ainaro.
Jornalista : Sara Lewis
Editor : Lian Orluli
